حالىقارالىق «KADEX-2014» قارۋ-جاراق جانە اسكەري-تەحنيكالىق م ۇلىك كورمەسىنىڭ اياسىندا قر پرەمەر-ءمينيسترىنىڭ ءبىرىنشى ورىنباسارى باقىتجان ساعىنتاەۆ رف ۇكىمەتى توراعاسىنىڭ ورىنباسارى دميتري روگوزينمەن كەزدەستى, دەپ حابارلادى پرەمەر-ءمينيستردىڭ ءباسپاسوز قىزمەتى.
كەزدەسۋ بارىسىندا اسكەري-تەحنيكالىق, عارىشتىق جانە الەۋمەتتىك سالالارداعى ەكىجاقتى ىنتىماقتاستىق ماسەلەلەرى جونىندە اڭگىمە ءوربىدى.
ۆيتسە-پرەمەرلەر قازاقستان سىناق پوليگوندارىن پايدالانۋ جانە «بايقوڭىر» كەشەنىن بىرلەسىپ پايدالانۋ جونىندەگى «جول كارتاسىن» ىسكە اسىرۋ, سونداي-اق, بايقوڭىر قالاسىن, اقاي جانە تورەتام ەلدى مەكەندەرىن دامىتۋ ماسەلەلەرىن تالقىلادى.
كەزدەسۋ قورىتىندىسى بويىنشا تاراپتار ءوزارا ارىپتەستىكتىڭ بارلىق باعىتتارى بويىنشا ىنتىماقتاستىقتى ءارى قاراي تەرەڭدەتۋ قاجەتتىلىگىن اتاپ كورسەتتى.