قاراعاندى وبلىسىندا «STOP-يگرا» جەدەل الدىن الۋ ءىس-شاراسى اياسىندا زاڭسىز ويىن بيزنەسىن ۇيىمداستىرعان ءوڭىر تۇرعىنىنىڭ قىزمەتى انىقتالدى, دەپ حابارلايدى Egemen.kz قر قارجى مونيتورينگ اگەنتتىگىنىڭ Telegram ارناسىنا سىلتەمە جاساپ.
«قاراعاندى ق. قوناق ءۇي كەشەندەرىنىڭ بىرىندە جۇمىس ىستەگەن استىرتىن پوكەر كلۋبىنىڭ قىزمەتىن اشكەرەلەدى. ءتىنتۋ بارىسىندا اقشالاي قاراجات, ۇيالى تەلەفوندار, پوكەر فيشكالارى, ويىن كارتالارى, پوكەر جيىنتىعى جانە پوكەر ويناۋعا ارنالعان ۇستەل تابىلىپ, تاركىلەندى. ۇيىمداستىرۋشى باستاپقى اقشالاي مولشەرلەمەمەن اقشا قاراجاتى ءۇشىن فيشكالاردى ساتۋ ارقىلى قۇمار ويىندار وتكىزىلگەنى انىقتالدى», دەلىنگەن ۆەدومستۆو حابارلاماسىندا.
اتالعان فاكتىلەر بويىنشا قىلمىستىق ءىس تىركەلىپ, سوتقا دەيىنگى تەرگەۋ جۇرگىزىلۋدە. قر قپك 201-بابىنا سايكەس وزگە اقپارات تەرگەۋ مۇددەسىندە جاريا ەتۋگە جاتپايدى.