قازاقستاندىق كوللەدج تۇلەگى دينا افاناسەۆا WorldSkills Competition 2022 Special Edition الەم چەمپيوناتىندا قولا مەدال جەڭىپ الدى, دەپ حابارلايدى Egemen.kz.
جارىس 9-17 قازان ارالىعىندا كويان قالاسىندا (وڭتۇستىك كورەيا) ءوتتى. وتانداسىمىز «ۆەب-تەحنولوگيالار» قۇزىرەتتىلىگى بويىنشا وسىنداي جوعارى ناتيجەگە قول جەتكىزگەن.
«بۇل دۇنيەجۇزىندەگى كوللەدج ستۋدەنتتەرىنە ارنالعان ەڭ بەدەلدى جارىستا العان قازاقستاننىڭ العاشقى مەدالى. بىلتىر پاۆلودار كوللەدجىنىڭ ستۋدەنتى بولعان دينا «ۆەب-ازىرلەۋ» باعىتى بويىنشا EuroSkills Graz 2021 ەۋروپا چەمپيوناتىندا قولا مەدال جەڭىپ العان بولاتىن. دينانى جەڭىسىمەن قۇتتىقتايمىن!
ونىڭ ەڭبەگى, ءبىلىمى مەن تاباندىلىعى ەلىمىزدىڭ بارلىق كوللەدج ستۋدەنتتەرىنە ۇلگى. سونداي-اق ارىپتەسىم, ەلوردالىق كوللەدج وقىتۋشىسى ايجان زيادانوۆاعا ستۋدەنتىنىڭ تاماشا ناتيجەسى ءۇشىن العىس ايتقىم كەلەدى. الدا دينانى جاڭا جەڭىستەر مەن بيىك بەلەستەر كۇتىپ تۇرعانىنا سەنىمدىمىن. WorldSkills Competition 2022 Special Edition-عا 60-تان استام ەل 63 نەگىزگى قۇزىرەتتىلىك پەن 1 دەمونستراتسيالىق قۇزىرەتتىلىك بويىنشا قاتىسىپ جاتقانىن اتاپ وتكىم كەلەدى», دەپ جازدى اسحات ايماعامبەتوۆ.