قازاقستاندا «نەلەگال» جەدەل-پروفيلاكتيكالىق ءىس-شاراسى ءوتىپ جاتىر. ءتورت كۇن ىشىندە ەلدە زاڭسىز جۇرگەن 38 شەتەلدىك انىقتالىپ, شىعارىلدى, دەپ حابارلايدى Egemen.kz.
ماسەلەن, الماتىنىڭ كوشى-قون قىزمەتى مالىمدەگەندەي, وزبەكستاننىڭ 18 ازاماتى مەن تاجىكستاننىڭ ەكى ازاماتى قالادا زاڭسىز جۇمىس ىستەگەن.
ۆەدومستۆونىڭ مالىمەتىنشە, ولار وزبەكستان شەكاراسىنا دەيىن ارنايى اۆتوبۋسپەن تاسىمالدانعان.
«شەتەل ازاماتتارى شەكارا قىزمەتىنىڭ قاراماعىنا بەرىلدى. جالپى, جەدەل-پروفيلاكتيكالىق ءىس-شارانىڭ 4 كۇنىندە 820 كوشى-قون زاڭناماسىن بۇزۋشى اكىمشىلىك جاۋاپكەرشىلىككە تارتىلدى, ونىڭ 385-ءى شەتەلدىكتەر», دەدى پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.
قازاقستاندا شەتەلدىك جۇمىس كۇشىن تارتۋ ەرەجەلەرىن بۇزعانى ءۇشىن 22 جۇمىس بەرۋشىگە ايىپپۇل سالىندى.