وتباسى مەرەكەسى – وتان بەرەكەسى

8-ءشى رەت ۇيىمداستىرىلىپ وتىرعان يگىلىكتى ءىس-شاراعا ءوڭىر اۋماعىنداعى اۋدان-اۋدانداردان 20 وتباسى قاتىستى. مۇنداعى ماقسات – وتباسىلىق قۇندى­لىقتاردى دارىپتەۋ, وتباسى ينستي­تۋتىنىڭ مارتەبەسىن كوتەرۋ, اتا-انا­لار­دىڭ بالا تاربيەسىندەگى جاۋاپ­كەر­شىلىگىن ارتتىرۋ, قازاق حالقىنىڭ اۋلەت تار­بيەسىن ۇلتتىق قۇندىلىق رەتىندە جان­داندىرىپ, ونى ءاربىر شاڭىراققا ەنگىزۋ ارقىلى جاعىمدى ءيميدجىن قا­لىپتاستىرۋ.

سالتاناتتى شارادا ءسوز العان جەتىسۋ وبلىسى اكىمىنىڭ ورىنباسارى رۋستام ءالي سوڭعى ايلاردا ءجاسوسپىرىم ستۋدەنتتەردىڭ ءوز-وزىنە قول جۇمساۋ فاكتىلەرى ورىن العانىن ايتىپ, الاڭداۋشىلىعىن جەتكىزدى.

ء«اربىر جەكە ءىستى تالداي كەلە ءبىر جالپى قورىتىندى جاسالدى. كەلەڭسىزدىككە اكەلگەن ماسەلە, ەڭ الدىمەن وتباسىلىق قاتىناستاردا جاتىر. بالانىڭ وتبا­سىندا الاتىن باستى قۇندىلىعى تار­بيەسى ەكەنىن ۇمىتپاۋىمىز كەرەك. سون­دىقتان ۇلگىلى وتباسىلارىمىز كو­بەيىپ, وزگەلەرگە جول كورسەتسە ەكەن دەيمىن», دەدى ر.ءالي

وبلىستىق قوعامدىق دامۋ باسقار­ماسىنىڭ ۇيىمداستىرۋىمەن وتكەن سا­يىس­تا ءبىرىنشى ورىندى تالدىقورعاندىق انداس وتباسى جەڭىپ الدى. وتباسىنىڭ اقىل­شىسى, «التىن القا» يەگەرى اۋەس­حان ماجاي مۇنداي بايقاۋلار ۇلت رۋحانياتىنىڭ التىن باستاۋى ەكەنىن اتاپ ءوتتى.

«حالقىمىزدىڭ بەرەكەسى دە, ۇلت رەتىندە سان قيىندىقتان سۇرىنبەي ءوتۋى دە وتباسىنداعى ىنتىماق پەن مەيى­رىم­نىڭ نەگىزىندە قالىپتاسقان. ان­داس وت­باسى عىلىم مەن ءبىلىم, شىعار­ماشى­لىق پەن اتا مۇراسىن, اكە جولىن ۇقىپ­تى جالعاستىرىپ كەلە جاتىر. اتالارىمىزدىڭ اماناتىن ءبىز ساقتاساق, بالالارىم اكەسىنىڭ مۇراسىن ارداقتاپ ۇرپاق ساباقتاستىعىنىڭ ۇلگىسىنە اينالۋدا. بۇل ءۇردىس ودان ءارى دە جالعاسا بەرمەك. ارامىزدا وسىنداي وتباسىلار كوپ. ولاردىڭ دا مەرەيى تاسي بەرسىن دەپ تىلەيمىن», دەدى ا.ماجاي.

ودان كەيىن ەكىنشى ورىندى الا­كولدىك حياگ, ءۇشىنشى ورىندى اقسۋلىق كەنجەباەۆتار وتباسى ەنشىلەدى. جەڭىم­پاز اتانعان وتباسى ەندى رەسپۋبليكالىق بايقاۋدا باق سىنايدى.

جەتىسۋ وبلىسى