دەلەگاتسيا باسشىلارى 2023 جىلى تاۋەلسىز مەملەكەتتەر دوستاستىعىنا توراعالىق ەتۋ تۋرالى شەشىم قابىلدادى, دەپ حابارلايدى Egemen.kz.
«تاۋەلسىز مەملەكەتتەر دوستاستىعىنا توراعالىق ەتۋ تۋرالى ماسەلە قارالدى. دەلەگاتسيا باسشىلارى 2023 جىلى دوستاستىققا توراعالىق ەتۋ تۋرالى شەشىم قابىلدادى, ونى قىرعىز رەسپۋبليكاسى جۇزەگە اسىرادى, قازاقستان رەسپۋبليكاسى مەن رەسەي فەدەراتسياسى تەڭ توراعالىق ەتەدى», دەدى تمد اتقارۋشى كوميتەتىنىڭ توراعاسى سەرگەي لەبەدەۆ.
ونىڭ ايتۋىنشا, شاعىن قۇرامداعى جيىندا دەلەگاتسيا باسشىلارى وتىرىستاردىڭ كۇن ءتارتىبى مەن رەگلامەنتىن بەكىتتى. وتىرىس بارىسىندا پرەزيدەنتتەر تاۋەلسىز مەملەكەتتەر دوستاستىعى اياسىنداعى ءوزارا ءىس-قيمىل ماسەلەلەرى بويىنشا پىكىر الماستى.
ەسكە سالا كەتسەك, بۇگىن استانادا قر پرەزيدەنتى قاسىم-جومارت توقاەۆتىڭ باسشىلىعىمەن تمد مەملەكەتتەرى باسشىلارى كەڭەسىنىڭ شاعىن قۇرامداعى وتىرىسى ءوتتى.