جۇما كۇنى استانا قالاسىندا جاڭا مەشىت اشىلدى. يگى ءىس-شاراعا باس ءمۇفتي ناۋرىزباي قاجى تاعان ۇلى قاتىسىپ, جاماعاتتى جاڭا مەشىتتىڭ اشىلۋىمەن قۇتتىقتادى.
«قاسيەتتى جۇما كۇنىندە, ارداقتى پايعامبارىمىز مۇحاممەدتىڭ (وعان اللانىڭ سالاۋاتى مەن سالەمى بولسىن) دۇنيەگە كەلگەن قاسيەتتى ءماۋلىت ايىندا استانا قالاسى بويىنشا 14-مەشىت ەسىگىن ايقارا اشىپ, جاماعاتتىڭ يگىلىگىنە بەرىلىپ وتىر. بۇل – كوپتەن كۇتكەن قۋانىش. ويتكەنى وسى مەشىتتىڭ اشىلۋى بىرنەشە جىلدارعا سوزىلدى. الايدا اللا تاعالانىڭ قالاۋىمەن ساۋلەتى مەن ءسانى جاراسقان مەشىت بۇگىن حالىق يگىلىگىنە بەرىلدى. جاڭا قۇلشىلىق ءۇيى قۇتتى بولسىن», دەدى باس ءمۇفتي ناۋرىزباي قاجى تاعان ۇلى.
قمدب توراعاسى مەشىتتى سالان ازاماتتارعا ايرىقشا العىس ءبىلدىرىپ, يگى تىلەگىن جەتكىزدى. سونداي-اق باس ءمۇفتي جۇما نامازىنا قاتىسىپ, جاماعاتقا ۋاعىز ايتتى. جاڭا مەشىتتىڭ يمامى بولىپ يلياس وتاروۆ بەكىتىلدى. ايتا كەتسەك, قالانىڭ كوكتال شاعىن اۋدانىندا اشىلعان جاڭا مەشىتتە ءبىر مەزەتتە 500 ادام قۇلشىلىعىن وتەي الادى.