مەملەكەت باسشىسى ۇكىمەتكە «قاراعاندى – بالقاش» جانە «بالقاش – بۋرىلبايتال» تاس جولىن كەلەسى جىلعا دەيىن سالىپ ءبىتىرۋدى تاپسىردى, دەپ حابارلايدى Egemen.kz.
«قاراعاندى وبلىسى ەلىمىزدىڭ ءدال ورتاسىندا ورنالاسقان. وڭتۇستىك پەن سولتۇستىكتى جالعايتىن ەڭ باستى كۇرە جول وسى ءوڭىردى باسىپ وتەدى. ايماقتى دامىتۋعا اۆتوكولىك جولدارىنىڭ ساپاسى ايرىقشا ىقپال ەتەتىنى انىق. قازىر ورتالىق – وڭتۇستىك كولىك ءدالىزى سالىنىپ جاتىر. بالقاش قالاسى ارقىلى وتەتىن جولدىڭ قۇرىلىسى وتە باياۋ ءجۇرىپ, مەرزىمى قايتا-قايتا كەيىنگە قالۋدا. ۇكىمەتكە «قاراعاندى – بالقاش» جانە «بالقاش – بۋرىلبايتال» تاس جولىن كەلەسى جىلى سالىپ ءبىتىرۋدى تاپسىرامىن», دەدى ق.توقاەۆ.
سونىمەن قاتار ول «قاراعاندى – جەزقازعان» كۇرە جولىنىڭ دا ماڭىزىن اتاپ ءوتتى.
«ۇزىندىعى 500 شاقىرىمنان اساتىن جول جوندەلسە, ورتالىق وڭىرلەرگە بارىس-كەلىس جاقسارادى. جۇك تاسىمالى كوبەيەدى. بۇل ۇلىتاۋ وبلىسىن دامىتۋعا زور سەپتىگىن تيگىزەدى. ەكى وبلىستىڭ ينۆەستيتسيالىق جانە تۋريستىك مۇمكىندىگىن ارتتىرادى. وسى جولدى جوندەۋ جۇمىسىنا الداعى جىلى دەرەۋ كىرىسۋ كەرەك», دەدى پرەزيدەنت.
سونداي-اق «قاراعاندى – قارقارالى» تاس جولىن جوندەۋدى تاپسىردى. مەملەكەت باسشىسىنىڭ ايتۋىنشا, قارقارالىنىڭ تۋريستىك الەۋەتىن ارتتىرۋ ماقساتىندا بۇل جۇمىس الداعى ەكى جىلدىڭ ىشىندە اياقتالۋى قاجەت.