وبلىستىڭ ونەركاسىپ ءوندىرىسىنىڭ جالپى كولەمىندە وڭدەۋ سەكتورىنىڭ ۇلەسى 80 پايىزدى قۇرايدى. بۇل تۋرالى مەملەكەت باسشىسى قاراعاندى جۇرتشىلىعىمەن كەزدەسۋ بارىسىندا ايتتى, دەپ حابارلايدى Egemen.kz.
«وبلىستىڭ ونەركاسىپ ءوندىرىسىنىڭ جالپى كولەمىندە وڭدەۋ سەكتورىنىڭ ۇلەسى 80 پايىزدى قۇرايدى. بۇل كورسەتكىش بويىنشا ايماق كوش باستاپ تۇر. سونداي-اق وسى باعىتتى ودان ءارى دامىتۋ ءۇشىن وبلىستىڭ مۇمكىندىگى مول.
بيىلعى شىلدەدە وتكەن ۇكىمەتتىڭ كەڭەيتىلگەن وتىرىسىندا وڭدەۋ سالاسىنداعى ينۆەستيتسيالىق جوبالاردىڭ پۋلىن جاساقتاۋ جۇمىستارىنا باسا ءمان بەرۋ قاجەتتىگى تۋرالى ايتتىم.
كۇردەلى گەوساياسي احۋالعا جانە الەمدىك ەكونوميكالىق جاعدايدىڭ تۇراقسىزدىعىنا بايلانىستى وتاندىق ەكونوميكانى ءارتاراپتاندىرۋدىڭ ماڭىزى ودان ءارى ارتا تۇسەدى», دەدى پرەزيدەنت.