يندونەزيادا, ياۆا ارالىندا وتكەن فۋتبول ماتچىندا 129 ادام قازا بولدى, دەپ حابارلايدى Egemen.kz.
مالانگ قالاسىندا «Arema» مەن «Persebaya Surabaya» فۋتبول قۇراماسى ويناعان. ارەما كلۋبىنىڭ جانكۇيەرلەرى 3:2 ەسەبىمەن جەڭىلگەننەن كەيىن الاڭدا توبەلەس باستادى.
مالانگ شتاتىنىڭ دەنساۋلىق ساقتاۋ باسقارماسىنىڭ باسشىسى ۆيانتو ۆيويو 120-دان استام ادامنىڭ قايتىس بولعانىن, سونداي-اق بيلىك قۇربانداردىڭ سانىن ءالى دە ساناپ جاتقانىن ايتتى.
جەرگىلىكتى دەنساۋلىق ساقتاۋ مينيسترلىگىنىڭ ايتۋىنشا, ولاردىڭ كوپشىلىگى ستاديوندى تاستاپ كەتپەك بولعان كەزدە تاپتالىپ قالعان.
يندونەزيا فۋتبول قاۋىمداستىعى (PSSI) فۋتبول ماتچتارىن ءبىر اپتاعا توقتاتتى, Arema فۋتبول كلۋبىنا ماۋسىمنىڭ سوڭىنا دەيىن ماتچ وتكىزۋگە تىيىم سالدى جانە توبەلەستىڭ سەبەبىن انىقتاۋ ءۇشىن مالانگ قالاسىنا تەرگەۋ توبىن جىبەرەتىنىن ايتتى.