تارازدا قالا كۇنىنە وراي شاعىن فۋتبولدان TARAZ CUP ءتۋرنيرى ۇيىمداستىرىلدى. باق وكىلدەرى باس قوسقان الامانعا اتىراۋ, شىعىس قازاقستان, قىزىلوردا, جەتىسۋ وبلىستارىنىڭ, الماتى, استانا, شىمكەنت قالالارىنىڭ جۋرناليستەرىنەن قۇرالعان كوماندالار قاتىسىپ, ءوزارا ۇزدىكتى انىقتادى.
جالپى سانى 11 كوماندا باق سىناعان تۋرنيردە كوماندالار ءۇش توپقا توپتاستىرىلدى. ءوز توبىنان ۇزدىك شىققان ۇجىمدار شيرەك فينالعا جولداما السا, جولى بولماعان كوماندالار جارىستى ەرتە اياقتادى. ارمەن قاراي – جارتىلاي فينال, فينال.
تارازداعى تۋرنيردە اتىراۋ وبلىسىنان كەلگەن Atyrau Aqparat كومانداسى مىقتى دەگەن قارسىلاستاردان ايلاسىن اسىرىپ, شاعىن سەنساتسيا اۆتورى اتاندى دەمەسەك, باسقا كوماندالار ويىن ورنەگىمەن ەشكىمدى تاڭعالدىرا قويعان جوق.
توپتىق كەزەڭ جانە شيرەك فينالداعى ويىندارعا قاراعاندا, جارتىلاي فينالدىق كەزدەسۋلەر تارتىسقا تولى بولدى. باق وكىلدەرى اراسىنداعى دودالاردا شاپپاي بايگە الىپ جۇرگەن Kazmedia Voltman كومانداسى مەن «الماتى» قۇراماسى اراسىنداعى ماتچتى جۇرت «فينالعا دەيىنگى فينال» دەپ بەكەر ايتپاسا كەرەك. بۇل ويىندا الماتىلىقتار فينالعا ءبىر تابان جاقىن بولعانىمەن, سوڭعى مينۋتتاردا كامبەك جاساعان ەلوردالىقتار 3:2 ەسەبىمەن جەڭىستى ج ۇلىپ الدى. ەكىنشى جارتىلاي فينالدا ءتۋرنيردىڭ جاڭالىعىنا اينالعان Atyrau Aqparat كومانداسى قىزىلوردالىق «اقمەشىت» كومانداسىنان باسىم ءتۇستى.
تۋرنير بارىسىندا قارسىلاستارىن قوعاداي جاپىرىپ كەلگەن Kazmedia Voltman كومانداسى شەشۋشى كەزدەسۋدە Atyrau Aqparat ۇجىمىن قارسىلاس كورمەي 4:1 ەسەبىمەن جەڭىپ, تۋرنير چەمپيونى اتانسا, اتىراۋلىقتار ەكىنشى ورىندى يەلەندى. ءۇشىنشى ورىن ءۇشىن وتكەن ماتچتا الماتىلىقتار قىزىلوردالىق «اقمەشىت» كومانداسىنان 3:0 ەسەبىمەن باسىم ءتۇسىپ, قولا جۇلدەگەر اتاندى.
تۋرنير چەمپيونى 1 ملن تەڭگەنىڭ سەرتيفيكاتىن يەلەنسە, ەكىنشى ورىن العان كومانداعا – 500, ءۇشىنشى ورىن يەلەنگەن ۇجىمعا 300 مىڭ تەڭگەنىڭ سەرتيفيكاتى تاپسىرىلدى. سونداي-اق ءوز امپلۋاسى بويىنشا ۇزدىك دەپ تانىلعان ويىنشىلارعا 50 مىڭ تەڭگەدەن سىياقى بەرىلدى.
تاراز