ەلوردا اتاۋىنىڭ وزگەرۋى سالىق تولەۋشىلەردىڭ تىركەۋ دەرەكتەرىن وزگەرتپەيدى. تيىسىنشە, قايتا تىركەۋدەن ءوتۋ قاجەت ەمەس. بۇل تۋرالى قارجى مينيسترلىگىنىڭ مەملەكەتتىك كىرىستەر كوميتەتى حابارلادى.
وسىلايشا, ەلوردانىڭ نۇر-سۇلتان اتاۋىن استانا دەپ وزگەرتۋ سالىق تولەۋشىلەردىڭ: جەكە كاسىپكەرلەردىڭ, جەكە پراكتيكامەن اينالىساتىن جەكە تۇلعالاردىڭ جانە رەزيدەنت ەمەس زاڭدى تۇلعالاردىڭ تىركەۋ قۇجاتتارىن وزگەرتۋگە اكەپ سوقپايدى. ەلوردانىڭ بۇرىنعى اتاۋى بار قۇجاتتار دا جارامدى بولادى جانە مەملەكەتتىك قىزمەتتى الۋ كەزىندە قولدانىلادى.
سالىقتاردى جانە بيۋدجەتكە تولەنەتىن تولەمدەردى ەسەپكە الۋ ءۇشىن بانك رەكۆيزيتتەرى (بسن, مەملەكەتتىك كىرىستەر ورگاندارىنىڭ كودتارى, يك, قازىناشىلىق كوميتەتىنىڭ بيك, بسك, كنپ) ەلوردا اتاۋىنىڭ وزگەرۋىنە بايلانىستى وزگەرىسسىز, بۇرىنعىداي قالادى.
تەك مەملەكەتتىك كىرىستەر ورگاندارىنىڭ اتاۋلارى عانا وزگەرەدى. مىسالى, نۇر-سۇلتان قالاسى بويىنشا مەملەكەتتىك كىرىستەر دەپارتامەنتى استانا قالاسى بويىنشا مەملەكەتتىك كىرىستەر دەپارتامەنتى بولىپ وزگەرەدى, سايكەسىنشە نۇر-سۇلتان قالاسىنىڭ الماتى, سارىارقا, ەسىل, بايقوڭىر اۋداندارى, استانا-جاڭا قالا بويىنشا مەملەكەتتىك كىرىستەر باسقارمالارىنىڭ اتاۋى استانا قالاسىنىڭ الماتى, سارىارقا, ەسىل, بايقوڭىر اۋداندارى, استانا-جاڭا قالا بويىنشا مەملەكەتتىك كىرىستەر باسقارمالارى بولىپ وزگەرەدى. بۇل رەتتە مكد جانە مكب اتاۋلارىن وزگەرتۋ سالىقتاردى جانە بيۋدجەتكە تولەنەتىن باسقا دا مىندەتتى تولەمدەردى تولەۋ تارتىبىنە اسەر ەتپەيدى. تولەم قۇجاتتارىنداعى رەكۆيزيتتەردى تولتىرۋ كەزىندە مكد جانە مكب اتاۋىن قولداپ تەرۋدىڭ قاجەتى جوق.
بانكتەردىڭ ءموبيلدى قوسىمشالارى ارقىلى سالىقتى تولەۋ كەزىندە مەملەكەتتىك كىرىستەر ورگاندارىنىڭ تىزىمىنەن ءتيىستى مەملەكەتتىك كىرىستەر باسقارماسىن تاڭداۋ قاجەت. مكد جانە مكب قايتا تىركەۋدەن وتكەنگە دەيىن ازاماتتار تولەم جاساۋ كەزىندە تىزىمنەن ولاردىڭ ەسكى اتاۋىن تاڭداي الادى.
سالىقتار مەن بيۋدجەتكە مىندەتتى تولەمدەردى تولەۋ بويىنشا اعىمداعى شوتتاردىڭ رەكۆيزيتتەرى قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتىنىڭ رەسمي سايتىندا ورنالاسقان.