پرەمەر-ءمينيستردىڭ ورىنباسارى – قارجى ءمينيسترى ەرۇلان جاماۋباەۆ ءماجىلىس كۋلۋارىندا قازاقستان قىرعىزستانعا ۇكىمەتتىك رەزەرۆتەن كومەك بەرە مە دەگەن سۇراققا جاۋاپ بەردى, دەپ حابارلايدى Egemen.kz.
جۋرناليستەر قارجى مينيسترىنە قازاقستاننىڭ ەرىكتىلەرى كورشىلەس قىرعىزستانعا كومەكتەسۋ ءۇشىن قاراجات جيناۋمەن بەلسەندى اينالىسىپ جۇرگەنىن جانە وسى ساعاتقا دەيىن 10 ملن تەڭگەدەن استام قاراجات جينالعانىن حابارلادى.
وسى رەتتە قازاقستان بيلىگى قىرعىزستانعا ۇكىمەتتىك رەزەرۆتەن كومەك بەرە مە دەگەن ساۋال قويىلدى.
«ەگەر ءتيىستى مەملەكەتتىك ورگاندار رەزەرۆتەن ءتيىستى سومالاردى ءبولۋ قاجەتتىلىگى تۋرالى سۇراقپەن جۇگىنەتىن بولسا, ءبىز بۇل ماسەلەنى بيۋدجەتتىڭ مۇمكىندىگىنە قاراي قاراستىرامىز. تجم, قورعانىس مينيسترلىگى سياقتى سالالىق مەملەكەتتىك ورگاندار دا قاراجات ءبولۋ ماسەلەسىن زەردەلەيدى. بيۋدجەتتىك پروتسەسس بويىنشا وتىنىمدەردى ءتيىستى مەملەكەتتىك ورگاندار بەرەدى», دەپ جاۋاپ بەردى ەرۇلان جاماۋباەۆ.