سابەڭنىڭ ديكتوفونى

ماسەلەن, قازاقستان جازۋشىلار وداعىندا, كىتاپحانالاردا, تۋعان ەلىندە, ت.ب. دۇركىرەپ وتكەن بۇل تويدا قالام­گەرگە كوپتەگەن سىيلىق ەستەلىككە بە­رىلىپ, ارقاسىنا جەتپىستەن اسا شاپان جا­بىلعان ەكەن! سول سىيلىقتاردىڭ ءبىرى – ءپورتاتيۆتى ترانزيستورلى ديكتوفون. بۇنى اكادەميك مۇحامەدجان قاراتاەۆتىڭ وتباسى سىيعا تارتقان. وندا مىنانداي تىلەك جازىلعان: «ارداق­تى سابەڭە 70 جاسىنا. مارحۋما, مۇ­قا­مەدجان. 29.05.70 ج.».

ديكتوفوننىڭ جالپى سيپاتتاماسىن ايتاتىن بولساق, ماركاسى – «ەلەكترون. مودەل 52 د». 1968 جىلى ۋكراينانىڭ پولتاۆا قالاسىندا جاسالعان. ولشەمى 165ح70ح50 مم, سالماعى 0,5 كگ. باس­قارۋ جۇيەسىنە توقتالاتىن بولساق, ديكتوفوننىڭ سول جاق بۇيرىندە پ, ۆ, ز, س ارىپتەرىمەن تەتىكشەلەر ورناتىل­عان. وسىنداعى «پ» ءارپى جىلدام اينالدىرۋعا ارنالعان تەتىكشە بولسا, «ۆ» تاسپاعا جازىلعان ماتەريالدى ويناتۋ تەتىكشەسى, ال «ز» تاسپاعا ماتەريالدى جازۋ تەتىكشەسى, سوڭعى «س» ەرەكشە قىزىل تۇسپەن بويالعان, بۇل جازبانى توقتاتۋ تەتىكشەسى. ديكتوفون «كرونا» باتارەياسىمەن جۇمىس جاسايدى. قۇرىلعىدا تاسپاعا جازىلعان ماتەريال­دى ەستۋگە ارنالعان المالى-سالمالى قۇلاققاپ بار. ول تەك وڭ قۇلاققا قويىپ تىڭداۋعا ارنالعان. قالتاعا, قولعا ۇستاپ جۇرگەنگە وتە ىڭعايلى بۇل قۇرىلعى جازۋشى, جۋرناليستەرگە وتە قاجەت, تاپتىرماس دۇنيەنىڭ ءبىرى. بۇل ەرەكشە قۇندى جادىگەر كەلۋشىلەرىمىزدى دە قاتتى قىزىقتىرادى. قالامگەر مۋزەيىنە ونىڭ جۇبايى ماريام مۇقانوۆا 1978 جىلى سىيعا تاپسىرعان.

قۇرمەتتى وقىرمان, سابەڭنىڭ قولى تيگەن بۇل جادىگەردى كوزبەن كورىپ, قول­مەن ۇستاپ كورگىڭىز كەلسە, مۋزەيگە اسى­عىڭىز!

جانار تاەۆا,

س.مۇقانوۆ پەن ع.مۇسىرەپوۆ ادەبي-مەموريالدىق مۋزەي كەشەنىنىڭ عىلىمي قىزمەتكەرى