قىرعىز-تاجىك شەكاراسىنداعى قاقتىعىس كەزىندە زارداپ شەككەن ادامداردىڭ سانى 163-كە جەتتى, دەپ حابارلايدى Egemen.kz ينتەرفاكس باسىلىمىنا سىلتەمە جاساپ.
«ساعات 09:00-دەگى جاعداي بويىنشا دەنساۋلىق ساقتاۋ ۇيىمدارىنا تۇسكەن زارداپ شەككەندەردىڭ جالپى سانى 163 ادامدى قۇرادى», دەپ حابارلادى قىرعىزستاننىڭ دەنساۋلىق ساقتاۋ مينيسترلىگى.
دارىگەرلەردىڭ مالىمەتىنشە, وتكەن ءتۇنى زارداپ شەككەن 19 ادام مەديتسينالىق كومەككە جۇگىنگەن, ونىڭ 12-ءسى امبۋلاتوريالىق ەمدەلۋگە جىبەرىلدى.
ستاتسيونارلاردا 144 ادام جاتىر. زارداپ شەككەندەردىڭ كوپشىلىگى بىشكەك جانە وشا دەنساۋلىق ساقتاۋ ۇيىمدارىنا اۋىستىرىلدى.
ەسكە سالا كەتسەك, 14 قىركۇيەكتە قىرعىز-تاجىك شەكاراسىندا قارۋلى قاقتىعىس بولدى. تاراپتار ءبىر-ءبىرىن اراڭداتۋشىلىق جاسادى دەپ ايىپتاپ وتىر.
قىرعىزستان دەنساۋلىق ساقتاۋ مينيسترلىگىنىڭ مالىمەتىنشە, قارۋلى قاقتىعىستاردىڭ سالدارىنان 59 ادام قازا تاپقان. ال توتەنشە جاعدايلار مينيسترلىگى قاقتىعىس ايماعىنان 136 مىڭنان استام ازامات ەۆاكۋاتسيالانعانىن حابارلادى.
ايتا كەتسەك, سادىر جاپاروۆتىڭ جارلىعىمەن 19 قىركۇيەك قىرعىزستاندا ۇلتتىق ازا تۇتۋ كۇنى دەپ جاريالاندى.