ۇجىمدىق قاۋىپسىزدىك تۋرالى شارت ۇيىمى قىرعىزستان مەن تاجىكستان اراسىنداعى كەلىسسوزدەردىڭ باستالۋىن قۇپتاپ, جانجالدى بەيبىت جولمەن رەتتەۋگە شاقىردى, دەپ حابارلايدى Egemen.kz.
«وسى كۇردەلى شەكارالىق ماسەلەنى شەشۋ, شيەلەنىستى ازايتۋ جانە ۋشىعۋدىڭ الدىن الۋ ءۇشىن ءوزارا قولايلى جولدار تابىلاتىنىنا سەنىمدىمىز. ءبىز كۇش قولدانۋدى قولايسىز دەپ سانايمىز», دەلىنگەن ۇقشۇ حاتشىلىعىنىڭ حابارلاماسىندا.
ۇيىم جاعدايدى مۇقيات قاداعالاپ وتىرعاندارىن جەتكىزدى.
«جانجالدى تەك كەلىسسوزدەر ۇستەلىندە شەشۋ كەرەك, ادامداردىڭ ولىمىنە جول بەرمەۋ كەرەك», دەلىنگەن حابارلامادا.
ەسكە سالا كەتسەك, قارۋلى قاقتىعىس 14 قىركۇيەكتە باتكەن اۋدانىنىڭ بۇلاق-باشي دەگەن جەرىندە باستالدى.
16 قىركۇيەكتە شىۇ سامميتىندە قىرعىزستان پرەزيدەنتى سادىر جاپاروۆ پەن تاجىكستان پرەزيدەنتى ەمومالي راحمون ەكى ەلدىڭ شەكاراسىندا اتىستى توقتاتۋعا كەلىستى.
بىراق كەشكە تاجىك تاراپى شارتتى بۇزىپ, لەيلەك اۋدانىنىڭ كۋلۋندۋ جانە جاڭا-جەر ەلدى مەكەندەرىندەگى قىرعىز شەكاراشىلارىنىڭ پوزيتسيالارى بويىنشا وق جاۋدىردى.