قازاقستان پرەزيدەنتى قاسىم-جومارت توقاەۆ شىۇ-عا مۇشە مەملەكەتتەر باسشىلارى كەڭەسىنىڭ كەڭەيتىلگەن قۇرامداعى وتىرىسىندا ۇيىمنىڭ بەدەلى جايلى ءسوز قوزعادى, دەپ حابارلايدى Egemen.kz پرەزيدەنتتىڭ ءباسپاسوز قىزمەتىنە سىلتەمە جاساپ.
«مەن جوعارىدا ايتقانداي, ءبىزدىڭ ۇيىمنىڭ يدەيالىق جانە ينستيتۋتسيونالدىق نەگىزدەرىندە كەرەعارلىق پەن بلوكتارعا بولىنۋشىلىك جوق. بۇل شىۇ-نىڭ حالىقارالىق بەدەلى مەن تانىمالدىعىنىڭ ارتۋىنا ىقپال ەتتى. سونىڭ ارقاسىندا ۇيىم ەڭ تابىستى بىرلەستىككە اينالدى. سوندىقتان شىۇ ۇدەرىسىنە قاتىساتىن ەلدەردىڭ گەوگرافياسى جىلدان جىلعا كەڭەيىپ كەلەدى. بۇل – ۇيىمنىڭ جوعارى سۇرانىسقا يە ەكەنىنىڭ ايقىن دالەلى. مەنىڭ پىكىرىمشە, شىۇ قازىر الەمدەگى ەڭ تابىستى حالىقارالىق ۇيىم», دەدى مەملەكەت باسشىسى.