رەسمي كەلىسسوزدەر اياقتالعاننان كەيىن مەملەكەتتەر باسشىلارى ەكى ەلدىڭ كونە زاماننان بۇگىنگە دەيىنگى تاريحي, مادەني بايلانىستارىنا ارنالعان قازاقستان – قىتاي: مىڭجىلدىق ديالوگ» اتتى كورمەنى تاماشالادى, دەپ حابارلايدى Egemen.kz پرەزيدەنتتىڭ ءباسپاسوز قىزمەتىنە سىلتەمە جاساپ.
كورمەگە قازاقستان رەسپۋبليكاسى ۇلتتىق مۋزەيى, ورتالىق مەملەكەتتىك مۋزەي, تۇڭعىش پرەزيدەنت مۋزەيى جانە ءا.قاستەەۆ اتىنداعى مەملەكەتتىك ونەر مۋزەيى قورلارىنان 40-قا جۋىق ارحەولوگيالىق جادىگەر, سونداي-اق ساندىك قولدانبالى جانە بەينەلەۋ ونەرىنىڭ زاتتارى قويىلعان.
قازاقستان مەن قىتاي باسشىلارىنا قازاق-قىتاي حالىقتارىنىڭ ماتەريالدىق جانە رۋحاني مادەنيەتىنىڭ دامۋ ساباقتاستىعىن كورسەتەتىن بەس بولىمنەن تۇراتىن كورمەنىڭ قۇرىلىمى تانىستىرىلدى.