قازاقستاندا ەگىن جيناۋ ناۋقانى جالعاسۋدا. اۋىل شارۋاشىلىعى مينيسترلىگىنىڭ دەرەكتەرى بويىنشا, ەلىمىزدە 11,3 ملن گەكتار جەردەن استىق جينالعان, بۇل جوسپاردىڭ 69,8%-ىن قۇرايدى, دەپ حابارلايدى Egemen.kz.
12 تس/گا ورتاشا ونىمدىلىكپەن 13,5 ملن توننا استىق باستىرىلدى. 2021 جىلى ورتاشا ونىمدىلىك 8,9 تس/گا قۇرادى. ونىڭ ىشىندە, مايلى داقىلدار 337,5 مىڭ گەكتار القاپتا جينالدى, بۇل جوسپاردىڭ 10%-ى ورىندالعانىن بىلدىرەدى. جالپى, 220,6 مىڭ توننا باستىرىلدى.
66,5 مىڭ گەكتار الاڭدا 1,4 ملن توننا كارتوپ جينالدى, بۇل جوسپاردىڭ 34%-ى. سونداي-اق, 113,1 مىڭ گەكتاردان 3,2 ملن توننا كوكونىس جينالدى.