جاڭا ماۋسىمداعى تىڭ جوبالار

Qazaqstan تەلەراديو­كور­­پوراتسياسىنىڭ ۇجىمىمەن كەز­دەسۋ بارىسىندا مينيستر كور­­پوراتسيانىڭ ستۋدەنتتەرگە ارنالعان مەديامەكتەبىن اكادەميا دارەجەسىنە كوتەرۋدى ۇسىندى.

ەستەرىڭىزدە بولسا, وتاندىق اقپارات كەڭىستىگىندە تەلەراديوارنالار جانىنان قۇرىلعان تۇڭ­عىش رەسپۋبليكالىق مەديا­مەكتەپ جۇمىسىن وتكەن جىلى باستاعان بولاتىن. مەديامەكتەپتەن جەتى اي مەرزىم ارالىعىندا  جوو جۋرناليستيكا, كينو جانە تەلەۆيزيا, رەجيسسۋرا فاكۋلتەتىنىڭ 30 ستۋدەنتى اقى­سىز نەگىزدە تاجىريبەلىك ءبىلىم الىپ شىقتى. ناتيجەسىندە, 9-ى كور­پو­راتسيا قۇرىلىمدارىنا قىزمەت­كە الىندى.

مينيستر بولاشاقتا مەديا­مەك­تەپتى اكادەميا دارەجەسىنە كوتەرىپ, تەك ستۋدەنتتەر ەمەس, اي­ماقتىق كادرلاردىڭ بىلىكتىلىگىن ارتتىرۋ ورتالىعىنا اينالدىرۋ تۋرالى ۇسىنىس ءبىلدىردى. «بۇل ءۇشىن پراكتيكالىق ءبىلىم بەرەتىن مامانداردىڭ بىلىكتىلىگى مەن كورپوراتسيانىڭ تەحنيكالىق الەۋەتى جوعارى», دەدى مينيستر.

باسقارما ءتورايىمى ءلاززات تانىسباي 2022 جىلعى قاراشا ايىنان باستاپ مەديامەكتەپ جۇمىسىن جاڭاشا باعىتتا قايتا جالعاستىراتىنىن ايتتى.

سونىمەن قاتار مينيستر «حابار 24» ارناسىنىڭ ون جىل­دىق مەرەيتويى جانە «حابار» اگەنتتىگىنىڭ جاڭا تەلەماۋ­سىمىنىڭ تۇساۋكەسەرىنە قاتى­سىپ, مەملەكەت باسشىسى مەن پرەمەر-ءمينيستردىڭ ارنايى قۇتتىقتاۋىن جەتكىزدى. ەلىمىزدەگى باستى اقپارات ارناسىندا ون جىلدان بەرى ۇزدىكسىز قىزمەت اتقارىپ كەلە جاتقان بىرنەشە جۋرناليس­كە مينيسترلىكتىڭ ماراپاتتارىن تاپسىرىپ, تەلەۆيزيا سالاسىنىڭ دامۋىنا زور ۇلەس قوسىپ كەلە جاتقان ۇجىمعا تابىس تىلەدى.