پرەزيدەنتتىڭ حالىققا جولداۋى قوعامنىڭ بارلىق سالاسىن جاڭعىرتۋ باعىتتارىنىڭ جاڭا جولدارى مەن مۇمكىندىكتەرىن انىقتاپ بەردى. جولداۋدا قويىلعان ناقتى مىندەتتەردىڭ ينديكاتورلارى ەلىمىزدىڭ 19 ميلليوننان استام حالقىنىڭ الەۋمەتتىك-ەكونوميكالىق جاعدايىن جاقسارتۋدى كوزدەيدى.
ەڭ ماڭىزدىسى «ازامات – بيزنەس – مەملەكەت» اراسىنداعى ءوزارا قاتىناستى نىعايتۋ ارقىلى ۇلتتىق ەكونوميكامىزدىڭ تۇراقتى دامۋى مەن باسەكەگە قابىلەتتىلىگىن ارتتىرۋ مىندەتى قويىلىپ وتىر. پرەزيدەنت مۇنى جۇزەگە اسىرۋدىڭ كەلەسى تەتىكتەرىن ۇسىنادى: «ازامات – بيزنەس – مەملەكەتتىڭ» بىردەي دامۋىنا مۇمكىندىك بەرۋ, ادىلدىك, كورسەتىلەتىن قىزمەت دەڭگەيىنىڭ جوعارى بولۋى, الەۋمەتتىك جاعىنان ءالسىز توپتاعى ازاماتتارعا قولداۋ كورسەتۋ, حالىقتى نارىق تۇراقسىزدىعىنان قورعاۋ جانە شاعىن جانە ورتا بيزنەستى مەيلىنشە دامىتۋ. جولداۋدا پرەزيدەنت رەفورمالاۋدىڭ ناقتى 5 باعىتىن انىقتاپ بەردى. ولار: جاڭا ەكونوميكالىق ساياسات, ناقتى سەكتوردى دامىتۋ, ەل بولاشاعىنا ارنالعان ستراتەگيالىق ينۆەستيتسيا, مەملەكەتتىك باسقارۋ ءىسىن قايتا جاڭعىرتۋ, زاڭ جانە ءتارتىپ. ۇسىنىلعان جاڭا ەكونوميكالىق ساياساتتىڭ نەگىزگى باسىم باعىتتارى: جەكە كاسىپكەرلىك باستامالاردى ىنتالاندىرۋ; باسەكەلەستىكتى دامىتۋ; ۇلتتىق تابىستى ءادىل ءبولۋ. ايتىلعان ۇسىنىستار مەملەكەتىمىزدىڭ الەمدىك جۇيەگە ينتەگراتسيالانۋى جانە باسەكەگە قابىلەتتى ۇلتتىق ەكونوميكانى دامىتۋعا قاجەتتى تەتىكتەر.
جولداۋدا پرەزيدەنت ۇكىمەتكە جوعارى وقۋ ورىندارىن قولداۋ ساياساتىن جالعاستىرۋدى جۇكتەدى. بۇل ءوز كەزەگىندە عىلىم جانە جوعارى ءبىلىم مينيسترلىگىنىڭ الدىنا وقۋ باعدارلامالارىن جاڭا شىندىققا بەيىمدەۋ مىندەتىن قويادى. سونىمەن قاتار ءتيىستى ۆەدومستۆو جوعارى ءبىلىمنىڭ ساپاسىن قامتاماسىز ەتۋى قاجەت. ماڭىزدى قۇجاتتا باسەكەگە قابىلەتتى ماماندار دايارلاۋعا ەرەكشە كوڭىل ءبولۋ قاجەتتىلىگى جانە ۇلتتىق ەكونوميكانى دامىتۋداعى ماڭىزى ايتىلعان. الەمدىك ەكونوميكا جاھاندانۋدىڭ قازىرگى جاعدايىندا باسقارۋدىڭ زاماناۋي ءادىس-تاسىلدەرىن مەڭگەرگەن ماماندارعا دەگەن قاجەتتىلىك كۇننەن-كۇنگە ارتىپ كەلەدى.
سول سەبەپتى دە «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى جولداۋ جوعارى وقۋ ورىندارىنىڭ پروفەسسور-وقىتۋشىلارىنا جاڭا سەرپىن بەردى دەپ سەنىممەن ايتا الامىز. ويتكەنى مەملەكەتتىك باسقارۋدىڭ جاڭا ۇلگىسىندە جانە ەكونوميكانى تسيفرلاندىرۋ زامانىندا بىزگە كاسىبي بىلىكتى, وزىق ويلى جانە باسەكەگە قابىلەتتى ماماندار اسا قاجەت. قازىرگى تاڭدا ءال-فارابي اتىنداعى قازاق ۇلتتىق ۋنيۆەرسيتەتى الەمدەگى ۇزدىك 200 ۋنيۆەرسيتەتتىڭ ىشىندە 150-ورىندى يەلەنىپ وتىر. ۋنيۆەرسيتەت – جوعارى باعاعا قول جەتكىزگەن, QS Stars Rating System حالىقارالىق رەيتينگىندە «بەس جۇلدىز» ارتىقشىلىعىنا يە بولعان ورتالىق ازيا وڭىرىندەگى العاشقى جانە جالعىز وقۋ ورنى.
بۇگىندە ۋنيۆەرسيتەتتىڭ «مەنەدجمەنت» كافەدراسىندا بولون ۇدەرىسىنە سايكەس الەمدىك سۇرانىس تالاپتارىنا ساي كەلەتىن 3 دەڭگەيدە ءبىلىم بەرۋ باعدارلامالارى جۇزەگە اسىرىلىپ كەلەدى. ستۋدەنتتەر, ماگيسترانتتار, دوكتورانتتار اقش, ەۋروپا ۋنيۆەرسيتەتتەرىندە ءبىلىم الماسۋ بويىنشا اكادەميالىق تاعىلىمدامادان وتۋدە. كافەدرا دايارلايتىن «مەنەدجمەنت» جانە «مەملەكەتتىك جانە جەرگىلىكتى باسقارۋ» ماماندىقتارىنىڭ ءبىلىم الۋشىلارى عىلىمي-زەرتتەۋ جۇمىستارىنا بەلسەندى قاتىسىپ, زەرتتەۋ ناتيجەلەرىن كوممەرتسيالاندىرۋ باعىتىندا قارقىندى جانە ناقتى جۇمىستاردى جۇزەگە اسىرىپ ءجۇر. سونىمەن قاتار پروفەسسور-وقىتۋشىلاردىڭ حالىقارالىق قاۋىمداستىققا ەنۋىنە دە ۇلكەن كوڭىل ءبولىنىپ وتىر. الدىڭعى قاتارلى عىلىمي ورتالىقتارمەن ءوزارا تاجىريبە الماسۋى, ىنتىماقتاستىق ۇردىستەرى نىعايا ءتۇسىپ, حالىقارالىق ءبىلىم بەرۋ كەڭىستىگى مەن عىلىمي-زەرتتەۋ جوبالارىندا وتاندىق عالىمدارىمىزدىڭ تانىمالدىعى ارتۋدا. وسى ورايدا جەتەكشى عىلىمي ورتالىقتاردى انىقتاۋ جانە تاعىلىمدامادان وتەتىن عالىمداردى تاڭداۋ ولشەمدەرىن بەلگىلەۋ قاجەتتىلىگى تۋىندايتىنى بەلگىلى.
جولداۋدا قويىلعان ناقتى مىندەتتەردىڭ ينديكاتورلارى ءال-فارابي اتىنداعى قازاق ۇلتتىق ۋنيۆەرسيتەتىندە باسەكەگە قابىلەتتى ماماندار دايارلاۋدىڭ جاڭا ءبىلىم بەرۋ باعدارلامالارىن جۇزەگە اسىرۋدا جاڭا سەرپىن بەرەدى. بۇل ماقساتتا كافەدرانىڭ پروفەسسور-وقىتۋشى عالىمدارى جولداۋدا ايتىلعان باسىم باعىتتاردى باسشىلىققا الا وتىرىپ, ولاردىڭ تابىستى جۇزەگە اسۋىنا ءوز ۇلەسىن قوسارى ءسوزسىز.
وڭالبەك ابراليەۆ,
ءال-فارابي اتىنداعى قازۇۋ پروفەسسورى