پاۆلودار وبلىسىندا سۋعا باتىپ كەتكەن جاتتىقتىرۋشىنىڭ دەنەسى اقسۋ وزەنىنەن تابىلدى, دەپ حابارلايدى Egemen.kz.
«VITA» ىزدەستىرۋ جاساعىنىڭ ەرىكتىلەرىنىڭ ايتۋىنشا, ساعات 16:30-دا ءمايىتتى بالىقشى تاۋىپ العان.
وبلىستىق توتەنشە جاعدايلار دەپارتامەنتى قايتىس بولعان جاتتىقتىرۋشىنى ساعات 16:53-تە سۋدان شىعاردى.
ەسكە سالايىق, 27 جاستاعى پاۆلودارلىق بالىق اۋلاۋ كەزىندە ابايسىزدا سۋعا قۇلاپ كەتكەن. جاقىن جەردە ونىڭ دوسى بولعان, بىراق جىگىت ءجۇزۋدى بىلمەيتىن. قۇتقارۋشىلاردىڭ ايتۋىنشا, رومان بوگدانوۆ قۇلاعان جەرىنىڭ تەرەڭدىگى 12 مەترگە جەتەدى. جاتتىقتىرۋشىنى قۇتقارۋشىلار توبى, پوليتسەيلەر, ەرىكتىلەر جانە ونىڭ تۋىستارى مەن دوستارى التى كۇن بويى ىزدەستىرگەن.