سىبايلاس جەمقورلىققا قارسى ءىس-قيمىل اگەنتتىگى قوعامدىق كەڭەسىنىڭ كەزەكتەن تىس وتىرىسىندا كەڭەس توراعاسى سايلاندى. ەندى بۇل قىزمەتتى قازاقستان رەسپۋبليكاسى پرەزيدەنتىنىڭ جانىنداعى ۇلتتىق قوعامدىق سەنىم كەڭەسىنىڭ مۇشەسى مارات ءباشىموۆ اتقارادى, دەپ حابارلايدى Egemen.kz ANTIKOR-دىڭ ءباسپاسوز قىزمەتىنە سىلتەمە جاساپ.
بۇعان دەيىن بۇل قىزمەتتى «ەگەمەن قازاقستان» رگ» جشس باس ديرەكتورى دارحان قىدىرالى اتقارعان. ول باسقا لاۋازىمعا تاعايىندالۋىنا بايلانىستى وكىلەتتىگىن توقتاتتى.
سونىمەن قاتار مارات ءباشىموۆ كەشىرىم جاساۋ ماسەلەلەرى جونىندەگى كوميسسيانىڭ توراعاسى جانە قازاقستان رەسپۋبليكاسى پرەزيدەنتىنىڭ جانىنداعى ادام قۇقىقتارى جونىندەگى كوميسسيانىڭ ساراپتامالىق كەڭەسى توراعاسىنىڭ ورىنباسارى قىزمەتتەرىن اتقارادى.
ء«وز كەزەگىندە قوعامدىق كەڭەستىڭ جاڭادان تاعايىندالعان توراعاسى ارىپتەستەرىنە سەنىم بىلدىرگەندەرى ءۇشىن العىسىن ءبىلدىرىپ, سىبايلاس جەمقورلىققا قارسى ءىس-قيمىل ماسەلەلەرى بويىنشا جۇمىستى جالعاستىرۋعا دايىن ەكەنىن حابارلادى. سونداي-اق قوعامدىق كەڭەس مۇشەلەرى ازاماتتاردى جەمقورلىققا قارسى كۇرەستەن تىس قالماۋعا جانە جەمقورلىقتىڭ بارلىق بەلگىلەرى تۋرالى سىبايلاس جەمقورلىققا قارسى قىزمەتتىڭ Call-ورتالىعىنا 1424 ءنومىرى بويىنشا حابارلاۋعا شاقىرادى», دەلىنگەن حابارلامادا.