كەشە پارلامەنت سەناتى توراعاسىنىڭ ورىنباسارى الەكساندر سۋدين موڭعوليا ۇلى مەملەكەتتىك حۇرالى (پارلامەنتى) اپپاراتىنداعى حاتشىلىقتىڭ حاتشىسى سانداگ ماگنايسۋرەن باستاعان دەلەگاتسيا مۇشەلەرىمەن كەزدەستى, دەپ حابارلادى وسى پالاتانىڭ ءباسپاسوز قىزمەتى.
كەزدەسۋ بارىسىندا قازاقستان-موڭعوليا اراسىنداعى ىنتىماقتاستىقتى, ونىڭ ىشىندە پارلامەنتارالىق ءوزارا ءىس-قيمىلدى ودان ءارى تەرەڭدەتۋ ماسەلەلەرى تالقىلاندى. “قازاقستان موڭعوليامەن ەكىجاقتى جانە كوپجاقتى تۇرعىداعى قاتىناستاردى نىعايتۋعا مۇددەلى”, – دەدى ا.سۋدين. توراعا ورىنباسارى سونداي-اق جوعارى دەڭگەيدە بەلگىلەنگەن ىنتىماقتاستىق باسىمدىقتارى مەملەكەتارالىق قاتىناستارداعى بارلىق سەكتورلاردا بايلانىستاردى قارقىندى ورىستەتۋگە مۇمكىندىك بەرەتىنىن اتاپ ءوتتى.
س.ماگنايسۋرەن زاڭ شىعارۋ ىسىندەگى تاجىريبەمەن تانىسۋ مۇمكىندىگى ءۇشىن سەنات باسشىلىعىنا العىس بىلدىرە وتىرىپ, پارلامەنت جوعارعى پالاتاسىنىڭ باسشىسى ق.توقاەۆقا ۇلى مەملەكەتتىك حۇرال توراعاسى د.دەمبەرەلانىڭ ىزگى تىلەكتەستىگىن جەتكىزدى.