القاپ پەن ت ۇلىكتى ساقتاندىرۋ ارزاندادى

«اقمولا فەنيكس» اق بيداي, ارپا, كۇن­باعىس, زىعىر, قىتايبۇرشاق, جۇگەرى وسىرۋمەن اينالىسادى. ەگىستىك القابى 34 مىڭ گەكتار. كاسىپ يەسى بەيبىت ابىلقاسىموۆتىڭ ايتۋىنشا, كوكتەمگى ەگىس ناۋقانىنا جۇمسالاتىن شىعىن جوعارى, سول سەبەپتى تاۋەكەلدى ازايتۋ ءۇشىن قوجالىق جىل سايىن ەگىستىك القابىن قۇرعاقشىلىق پەن جاڭبىردان ساقتاندىرادى.

بيىل اقمولالىق اگروقۇرىلىم ەگىستىكتى ساقتاندىرۋ شارتىن جاساسۋعا 47 ملن تەڭگە تولەگەن. ساقتاندىرۋ سىياقىسىنىڭ تەڭ جارىمىن – تاعى 47 ملن تەڭگەنى مەملەكەت سۋبسيديا تۇرىندە تولەدى. ساقتاندىرۋ جاعدايى تۋىنداعان سوڭ شارۋاشىلىق بيىل 167 ملن تەڭگە تولەم الدى.

جاڭا نورماتيۆ بويىنشا وسىنداي شارت جاساسۋ كەزىندە فەرمەردىڭ ساقتاندىرۋعا كەتكەن شىعىنى 28,2 ملن تەڭگەگە ازايىپ, ەندى 18,8 ملن تەڭگە تولەيدى.

اۋىل شارۋاشىلىعى مينيسترلىگى ساقتان­دىرۋ سىياقىلارىن سۋبسيديالاۋ جۇيەسىنە ەنگىزگەن وزگەرىستەر 2022 جىلعى 5 قىركۇيەكتە كۇشىنە ەندى. مۇنداي جاڭاشىلدىق ساقتان­دىرۋ شارتىنىڭ قۇنىن تومەندەتىپ, فەرمەرلەرگە ساقتاندىرۋدىڭ تيىمدىلىگىن ارتتىرادى.

– ساقتاندىرۋ ءونىمىنىڭ پايداسىن تۇسىنگەن فەرمەرلەر ساقتاندىرۋعا قىزىعۋشىلىق تانىتىپ وتىر. 2020-2021 جىلدارى اۋىل شارۋا­شىلىعى تاۋار وندىرۋشىلەرى 265,7 مىڭ گەكتاردان استام جەردى, 2,6 ملن باس ءۇي جانۋارى مەن قۇستى ساقتاندىرىپ, 254 ساقتاندىرۋ شارتىن جاساستى. بيىلعى 7 ايدا 213 كەلىسىمشارت جاسالدى, 354 مىڭ گەكتار جانە 114 مىڭنان استام باس جانۋار مەن قۇس ساق­تاندىرىلدى, – دەيدى «اگرارلىق نەسيە كور­پوراتسياسى» اق باسقارۋشى ديرەكتورى ەرلان مولداشەۆ.

ايتا كەتەلىك, 2021 جىلدىڭ جەلتوقسان ايىنان باستاپ اگروساقتاندىرۋ وپەراتورى «بايتەرەك» حولدينگىنىڭ ەنشىلەس ۇيىمى اگرارلىق نەسيە كورپوراتسياسى بولىپ بەكىتىلدى. ساقتاندىرۋ كەلىسىمشارتىن Qoldau.kz پلاتفورماسىندا ونلاين تۇردە راسىمدەۋگە بولادى.