مەملەكەت باسشىسى قاسىم-جومارت توقاەۆ بيىلعى جولداۋدا اگروونەركاسىپ كەشەنى ءۇشىن وتە وزەكتى ۇسىنىستار ايتتى. جالپى, اۋىل شارۋاشىلىعىنداعى جاعداي كۇردەلى, ماڭىزدى ماسەلەلەر كوپ.
ەڭ نەگىزگى پروبلەما – جەتكىلىكتى مولشەردە جانە ۇزاق مەرزىمگە بەرىلەتىن ارزان نەسيەلەردىڭ قولجەتىمسىزدىگى, سونداي-اق اينالىم قاراجاتىنىڭ تاپشىلىعى, تەحنيكانىڭ, قوسالقى بولشەكتەردىڭ, تىڭايتقىشتاردىڭ, پەستيتسيدتەردىڭ جانە ت.ب. ۇنەمى قىمباتتاۋى, كادرلاردىڭ جەتىسپەۋى. پرەزيدەنت ايتقانداي, اگروونەركاسىپ كەشەنى ۇستانۋعا ءتيىس جاڭا ءارى تۇراقتى ەرەجە جۇمىس ىستەۋ ءۇشىن 2025 جىلعا دەيىن قابىلدانعان ۇلتتىق جوبانى قايتا قاراپ, جاڭا جوبا قابىلداۋ جۇمىستارىن باستاۋ قاجەت. الايدا بۇل ماسەلەنى 2024 جىلى قولعا الۋ كەرەك.
اۋىل شارۋاشىلىعىنىڭ تۇراقتى دامۋىن قامتاماسىز ەتۋ ءۇشىن اگروونەركاسىپ سالاسىن دامىتۋدىڭ مەملەكەتتىك باعدارلاماسىندا كوزدەلگەندەي, 2025 جىلعا دەيىن وسىمدىك شارۋاشىلىعى مەن مال شارۋاشىلىعىن سۋبسيديالاۋ باعدارلاماسىن اعىمداعى نۇسقادا قالدىرۋ ورىندى دەپ سانايمىز. ۇكىمەت اۋىل شارۋاشىلىعى مينيسترلىگىنىڭ وسىمدىك شارۋاشىلىعى ءونىمىنىڭ ءوندىرىسىن فورۆاردتىق ساتىپ الۋ جانە اۆانس بەرۋ (بىرىڭعاي وپەراتور ارقىلى) جونىندەگى ۇسىنىستارىن قولداعان جاعدايدا ازىق-ت ۇلىك كورپوراتسياسىنىڭ نىسانالى قارجىلاندىرۋ كولەمىن حالىقتىڭ ازىق-ت ۇلىككە جىلدىق قاجەتتىلىگىنىڭ 80 پايىزىنا دەيىن جەتكىزۋ قاجەت. مال شارۋاشىلىعى بويىنشا وسىنداي قاعيداتتى قولدانۋ قاجەت دەپ سانايمىز.
ينفوگرافيكانى جاساعان امانگەلدى قياس, «ەQ»
بۇدان باسقا, الەۋمەتتىك ماڭىزى بار ازىق-ت ۇلىك تاۋارلارى تىزبەسىنە كىرەتىن ونىمدەردىڭ بارلىق پوزيتسياسىن مەملەكەتتىك ساتىپ الۋ كولەمىنە قوسۋ قاجەت. ۇكىمەتتىڭ كەڭەيتىلگەن وتىرىسىندا پرەزيدەنت ماشينا-تراكتور پاركىن جاڭارتۋ جونىندە تاپسىرما بەردى. سەبەبى قازاقستانداعى اۋىل شارۋاشىلىعى تەحنيكاسىنىڭ 80 پايىزى ەسكىرگەن. تەحنيكانى جاڭارتپاي, ەڭبەك ونىمدىلىگىن ارتتىرۋ جانە فەرمەرلەردىڭ تابىسىن ارتتىرۋ مۇمكىن ەمەس. 2022 جىلعى شىلدەدە قازاقستان فەرمەرلەرىنىڭ قاۋىمداستىعى «جاسىل دامۋ» اق-نىڭ كادەگە جاراتۋ الىمىنان تۇسكەن قاراجاتىنان وتاندىق تەحنيكانى جەڭىلدىكپەن ليزينگتەۋ باعدارلاماسىن قابىلداۋ تۋرالى ۇسىنىسپەن پرەزيدەنتكە حات جولدادى. وسىلايشا, 5 تامىزدان باستاپ ءتيىستى باعدارلاما ىسكە قوسىلدى. بۇل بويىنشا فەرمەر جىلدىق 6 پايىزبەن, تولەۋ مەرزىمىن كەيىنگە قالدىرۋ ارقىلى, باستاپقى جارناسىز تەحنيكانى الۋ مۇمكىندىگىنە يە بولدى. ليزينگكە بولىنگەن قاراجات سوماسى 40 ملرد تەڭگەنى قۇرايدى. ارينە, ءبىز بۇل قاراجات تەحنيكا پاركىن ۇلكەن كولەمدە جاڭارتۋ ءۇشىن جەتكىلىكسىز ەكەنىن تۇسىنەمىز. الايدا العاشقى قادام جاسالدى دەپ سانايمىز جانە ەگەر بۇل تاجىريبە ءساتتى بولسا, جەڭىلدىكتى ليزينگكە بولىنەتىن قاراجات كولەمىن ۇلعايتۋدى ۇسىناتىن بولامىز.
پرەزيدەنت اۋىل شارۋاشىلىعى سالاسىن, سونىڭ ىشىندە اگروونەركاسىپتى ءار كەز نازارىندا ۇستايتىنىن ءبىلدىردى. بۇل وسى سالاعا پرەزيدەنت تاراپىنان ۇلكەن باقىلاۋ ءارى قامقورلىق بار ەكەنىن بايقاتادى. ەندى پرەزيدەنت بەرگەن تاپسىرمالاردىڭ ۋاقتىلى ءارى ساپالى ورىندالۋى ماڭىزدى. بىزدە نەگىزى ۇلكەن الەۋەت بار. سول الەۋەتتى پايدالانىپ اگروونەركاسىپ كەشەنىن جوعارى دەڭگەيلى سالاعا اينالدىرۋعا بولادى. ول ءۇشىن قارجى قاجەت, ارينە. سونىمەن بىرگە ۇلكەن ەرىك-جىگەر, كاسىبي كوزقاراس تا كەرەك. سونىڭ ءبارى توعىسقاندا سالا العا وزادى. مەملەكەت باسشىسى سونى مەڭزەپ وتىر.
جيگۋلي دايراباەۆ,
قازاقستان فەرمەرلەر قاۋىمداستىعىنىڭ توراعاسى