ەلوردادا «ترياتلون» ساياباعىندا وتكەن جاستار مارافونىنا 200-دەن استام ادام قاتىستى, دەپ حابارلايدى Egemen.kz.
جاستار مارافونى اقپارات جانە قوعامدىق دامۋ مينيسترلىگىنىڭ قولداۋىمەن «الماتى» ستۋدەنتتەر اليانسى» كق جۇزەگە اسىراتىن «جاستاردى اسكەري-پاتريوتتىق تاربيەلەۋ جونىندەگى ءىس-شارالار كەشەنىن ىسكە اسىرۋ» الەۋمەتتىك جوباسى اياسىندا ءوتتى.
ءىس-شارانى ۇيىمداستىرۋشىلاردىڭ ايتۋىنشا, مارافوننىڭ نەگىزگى ماقساتى – ەل جاستارىن سالاۋاتتى ءومىر سالتىن جۇرگىزۋگە باۋلۋ.
«بۇگىنگى مارافون كەيبىر قاتىسۋشىلار ءۇشىن رەكوردتارعا جەتەلەيتىن العاشقى قادام, باسقالارى ءۇشىن ءوز كۇشىن تەكسەرۋدىڭ امالى بولدى. ءبىز جاس قازاقستاندىقتاردىڭ ءوز دەمالىس كۇنىن دەنساۋلىققا پايدالى ىسپەن وتكىزگەنى ءۇشىن شىن جۇرەكتەن قۋانىشتىمىز», دەيدى جوبا ۇيلەستىرۋشىسى ازات تەڭگەباەۆ.
«ترياتلون» ساياباعىنداعى مارافوندا 14-29 جاس ارالىعىنداعى 200 قاتىسۋشى كۇش سىنادى. جىگىتتەر مەن قىزدار اراسىنان ۇزدىك شىققاندار التى فيناليست اقشالاي سەرتيفيكاتتارعا يە بولدى.
الەۋمەتتىك جوبا اياسىندا اسكەري-پاتريوتتىق مۇراجايلارعا ەكسكۋرسيالار, ارداگەرلەرمەن كەزدەسۋلەر, زياتكەرلىك ويىندار, پاتريوتتىق اكتسيالار مەن شىعارماشىلىق كونكۋرستار سياقتى ماڭىزدى ءىس-شارالاردى ۇيىمداستىرۋ جوسپارلانعان.