بەرەكەلى قوعامنىڭ بەرىك ىرگەتاسى

پارلامەنت دەپۋتاتتارى, قوعام قاي­رات­­كەرلەرى, ورتالىق اپپاراتتىڭ قىز­مەت­­كەرلەرى قاتىسقان جيىنعا بەينە­كون­­­فەرەنتسيا بايلانىسى ارقىلى پار­تيا­نىڭ بارلىق ايماقتىق فيليالى قوسىلدى.

ەرلان قوشانوۆ جيىنعا قاتىسۋ­شىلاردىڭ نازارىن جولداۋ – ادىلەتتى قازاق­ستان قۇرۋ جولىنداعى تاعى ءبىر ۇلكەن قادام ەكەنىنە اۋدار­دى. «جولداۋدا پرەزيدەنت ادەت­تەگىدەي, قازاقستاندىقتاردىڭ ەڭ وزەكتى ساۋالدارىنا ناقتى جاۋابىن بەردى. بۇل – باس­تاۋ العان ساياسي وزگەرىستەردىڭ جال­عاسى. پرەزي­دەنتتىڭ ءسوزى مەن ءىسى ءبىر جەر­دەن شى­عا­تىنىنىڭ تاعى ءبىر دالەلى. الداعى سايلاۋ ناۋقاندارى­نىڭ كەستە­سى جاريالاندى. مەم­لەكەت باسشىسى پرە­زي­دەنت مانداتىن قىسقارتۋ جانە ۇزاق­تىعى 7 جىلدىق ءبىر مەرزىممەن شەكتەۋ جونىندە باستاما كوتەردى. مۇنىڭ ءبارى رەفورمالار باعىتىنىڭ دايەك­تىلى­گىن جانە ونىڭ ەلدەگى دەمو­كراتيانى نىعاي­تۋعا باعىت­تالعانىن كورسەتەدى», دەدى ول.

سونىمەن قاتار پارتيا تورا­عاسى قازىرگى سىن-قاتەرلەرگە قارا­ماستان, پرەزيدەنت مەملەكەتتىك الەۋمەتتىك سايا­ساتتى كۇشەيتىپ جاتقانىن اتاپ ءوتتى: ءبىلىم بەرۋ مەن دەنساۋلىق ساقتاۋدى دامى­تۋعا, جاستار مەن اۋىل شارۋا­شى­لىعىن قولداۋعا ۇلكەن قارا­جات بولىنۋدە, بارلىق الەۋمەت­تىك تولەم يندەكستەلۋدە, زەي­نەت­اقى قايتا قارالۋدا, «ۇلتتىق قور – بالالارعا» جوباسى ىسكە قو­سىلۋدا.

«Amanat پارتياسى ەلىمىزدىڭ جەتەك­شى ساياسي كۇشى رەتىندە مەملەكەت باس­شىسىنىڭ ساياسي جانە الەۋمەتتىك-ەكو­نو­ميكالىق باستامالارىن تولىق قولدايدى. پرەزيدەنتتىڭ جولداۋدا ۇسىن­عان بارلىق رەفورماسى – بۇل ەلدىڭ جاڭا جاعدايدا دامۋىنا تىڭ سەرپىن بەرەتىن پروگرەسسيۆتى ءارى ۋاقتىلى ءىس-شارالار», دەپ اتاپ ءوتتى پارتيانىڭ توراعاسى ەرلان قوشا­نوۆ.

سونداي-اق باسقوسۋ بارىسىندا پارتيانىڭ ساياسي كەڭەسى بيۋروسى­نىڭ مۇشەسى, «ەگەمەن قازاقستان» رەسپۋب­ليكالىق گازەتى جشس-نىڭ باس ديرەكتورى دارحان قىدىرالى ءسوز سويلەدى. ونىڭ ايتۋىنشا, جولداۋ ەل دامۋىنىڭ الداعى باعىتىن ايقىندايدى.

«مەملەكەت باسشىسى ءوز جول­داۋىندا حالىقتى تولعاندىراتىن بار­لىق وزەكتى ماسەلەنى قام­تى­دى. بۇل سۋ رەسۋرستارىنىڭ جەتىس­پەۋشىلىگى, جول جوندەۋ, اۋىل­داعى مەديتسينانى دامىتۋ, يگەرىلمەگەن جەرلەردى قايتارۋ جانە تاعى باسقالار. سوندىقتان ءبىز پرەزيدەنتتىڭ باعىتىن تولىق قولدايمىز», دەدى دارحان قىدىرالى.

ءوز كەزەگىندە Amanat پارتياسى الماتى قالالىق فيليالىنىڭ اتقارۋشى حاتشىسى مەيىرجان وتىنشيەۆ الماتىنىڭ جاستار مەن ستۋدەنتتەر قالاسى ەكەنىن اتاپ ءوتتى. بۇل رەتتە ول: «100 مىڭ جاس ازاماتتى جۇمىسقا ورنالاستىرۋ, جاس كاسىپكەرلەرگە جەڭىلدىكپەن نەسيە بەرۋ, ستۋدەنتتەر جاتاقحاناسىنىڭ ماسەلەسىن شەشۋ بويىنشا ناقتى شارالار قامتىلعان جولداۋ – بولاشاق ۇرپاقتىڭ ماسەلەلەرى پرەزيدەنتتىڭ نازارىندا ەكەنىن ايقىنداپ وتىر», دەدى.

پارتيانىڭ سولتۇستىك قازاق­ستان وبلىستىق فيليالىنىڭ اتقا­رۋشى حاتشىسى اسەم راحمەتوۆا بارلىق مىندەت قوعامنىڭ, مەم­لەكەتتىك اپپاراتتىڭ جانە پار­تيانىڭ ورتاق كۇش-جىگەرىمەن ىسكە اسادى دەگەن پىكىر ءبىلدىردى. «بۇگىن­گى جۇمىسىمىزدا قوعامدىق ديالوگ, اشىق­تىق, تۇرعىنداردىڭ مۇڭ-مۇقتاجىنا جەدەل دەن قويۋ ماسەلەسى باسىم باعىت بولۋعا ءتيىس. سول ارقىلى ويعا العان دۇنيەنىڭ بارلىعىن ىسكە اسىرا الامىز», دەدى ول.

جيىن قورىتىندىسى بويىنشا Amanat توراعاسى ەرلان قوشانوۆ پارتيا­نىڭ ورتالىق اپپاراتى مەن وڭىرلىك فيليالدارىنىڭ الدىنا جولداۋدى حالىق اراسىندا ىلگەرىلەتۋ جانە وندا ايتىلعان مەملەكەت باسشىسىنىڭ رەفورمالارىن ىسكە اسىرۋ ءۇشىن بارلىق پارتيالىق رەسۋرستى جۇمىلدىرۋ جونىندە بىرقاتار ناقتى مىندەت قويدى.