التى سەنات دەپۋتاتى تىركەلدى

وتىرىسقا پارلامەنت سە­ناتىنا سايلانعان دەپۋتاتتار جانە بەينەكونفەرەنتسيا بايلانىسى رەجىمىندە اباي, جەتىسۋ جانە ۇلىتاۋ وبلىستارىنىڭ اۋماقتىق سايلاۋ كوميسسيالارى قاتىستى.

وتىرىستى اشقان كوميسسيا توراعاسى نۇرلان ءابدىروۆ «قازاقستان رەسپۋبليكاسىنىڭ پارلامەنتى جانە ونىڭ دەپۋتات­تارىنىڭ مارتەبەسى تۋرالى» كونستيتۋتسيالىق زاڭعا سايكەس پارلامەنت دەپۋتاتىنىڭ وكى­لەت­تىگى ونى ورتالىق سايلاۋ كو­ميسسيا­سى پارلامەنت دەپۋتاتى رەتىندە تىركەگەن كەزدەن باستالاتىنىن اتاپ ءوتتى.

«قازاقستان رەسپۋبليكا­سىن­­داعى سايلاۋ تۋرالى» كونستي­تۋتسيالىق زاڭعا سايكەس ورتا­لىق سايلاۋ كوميسسياسى پارلا­­مەنتتىڭ سايلانعان دەپۋتات­تارىن تىركەۋدى جۇرگىزەدى جانە ءاربىر دەپۋتاتقا بەلگىلەگەن ۇلگى­دەگى كۋالىك پەن ومىراۋعا تاعاتىن بەلگىنى تابىس ەتەدى.

وسىعان بايلانىستى «قازاق­ستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 12, 45, 46 جانە 82-باپتارىنا جانە «2022 جىلعى 24 تامىزدا وتكىزىلگەن اباي, جەتىسۋ جانە ۇلىتاۋ وبلىستارىنان پارلامەنت سەناتىنىڭ دەپۋتاتتارىن سايلاۋدىڭ قورىتىندىلارىن انىقتاۋ جانە جاريالاۋ تۋرالى» قازاقستان رەسپۋبليكاسى ورتالىق سايلاۋ كوميسسياسىنىڭ 2022 جىلعى 26 تامىزداعى № 56/526 قاۋلىسىنا سايكەس «2022 جىلعى 24 تامىزدا اباي, جەتىسۋ جانە ۇلىتاۋ وبلىستارىنان سايلانعان قازاقستان رەسپۋبليكاسى پار­لا­مەنتى سەناتىنىڭ دەپۋتاتتارىن تىركەۋ تۋرالى» قاۋلى قابىل­داندى.

قاۋلىعا سايكەس سەناتقا 6 دەپۋتات تىركەلدى. ونىڭ ىشىندە: 3 دەپۋتات 2017 جىلعى 28 ماۋسىم­دا سايلانعان دەپۋتاتتاردىڭ وكى­لەتتىك مەرزىمىنە, 3 دەپۋتات 2020 جىلعى 12 تامىزدا سايلانعان دە­پۋتاتتاردىڭ وكىلەتتىك مەرزىمىنە تىركەلدى. ونىڭ ىشىندە, اباي وبلىسىنان باياحمەتوۆ باقىت­جان كاكەنقادجا ۇلى, 2017 جىل­عى 28 ماۋسىمدا سايلانعان دە­پۋ­تاتتاردىڭ وكىلەتتىك مەرزى­مىنە; ارعىنبەكوۆا اينۇر سەرىك­پايقىزى, 2020 جىلعى 12 تامىزدا سايلانعان دەپۋتاتتاردىڭ وكىلەتتىك مەرزىمىنە تىركەلدى. جەتىسۋ وبلىسىنان تولاميسوۆ امانگەلدى عابدىلكارىم ۇلى, 2017 جىلعى 28 ماۋسىمدا سايلانعان دەپۋتاتتاردىڭ وكىلەتتىك مەر­زىمىنە; سارىباەۆ عالياسقار تولەن­دى ۇلى, 2020 جىلعى 12 تامىزدا سايلانعان دەپۋتاتتاردىڭ وكىلەتتىك مەرزىمىنە, ال ۇلىتاۋ وبلىسىنان مەدەباەۆ سوۆەتبەك تۇرسىن ۇلى, 2017 جىلعى 28 ماۋسىمدا سايلانعان دەپۋتاتتاردىڭ وكىلەتتىك مەرزىمىنە; شايداروۆ سەرىك جامانقۇل ۇلى, 2020 جىلعى 12 تامىزدا سايلانعان دەپۋ­تات­تاردىڭ وكىلەتتىك مەرزىمىنە تىركەلدى.

سونداي-اق ورتالىق سايلاۋ كوميسسياسىنىڭ توراعاسى نۇرلان ءابدىروۆ پارلامەنت سەناتىنىڭ تىركەلگەن دەپۋتاتتارىنا كۋالىك­تەر مەن ومىراۋعا تاعاتىن بەل­گىلەرىن تابىس ەتىپ, سايلانعان دەپۋتاتتارعا رەسپۋبليكانىڭ زاڭ شىعارۋ بيلىگىن جۇزەگە اسىراتىن جوعارى وكىلدى ورگانداعى قىزمەتتەرىنە تابىس تىلەدى.