سەنبىگە ارنالعان اۋا رايى بولجامى

«ەلىمىزدىڭ سولتۇستىك, شىعىس وڭىرلەرىندەگى اۋا رايىن تسيكلون جىراسى مەن جاۋىن-شاشىن, نايزاعاي وتەتىن اتموسفەرالىق فرونتتار ايقىندايتىن بولادى. ەلىمىزدىڭ قالعان اۋماعىندا ءالى دە بۇلتتى جانە قۇرعاق اۋا رايى ساقتالادى», دەلىنگەن «قازگيدرومەت» رمك حابارلاماسىندا.

رەسپۋبليكا بويىنشا كەي ايماقتا جەل كۇشەيەدى.

قىزىلوردا, تۇركىستان وبلىستارىنىڭ باسىم بولىگىندە, اتىراۋ وبلىسىنىڭ باتىسى مەن شىعىسىندا, باتىس قازاقستان, اباي وبلىستارىنىڭ وڭتۇستىگىندە توتەنشە ءورت قاۋپى ساقتالادى. كۇندىز اتىراۋ, باتىس قازاقستان وبلىستارىنىڭ باسىم بولىگىندە قاتتى ىستىق بولۋى مۇمكىن.  

نۇر-سۇلتان قالاسىندا كوشپەلى بۇلتتى, كۇندىز جاڭبىر, نايزاعاي بولادى. سولتۇستىك-باتىستان, سولتۇستىكتەن جەل سوعادى, كۇشى تۇندە 3-8, كۇندىز 9-14 م/س. جەتەدى. اۋا تەمپەراتۋراسى تۇندە +11+13°س, كۇندىز +25+27°س بولادى.

الماتى قالاسىندا اۋا رايى كوشپەلى بۇلتتى, جاۋىن-شاشىنسىز بولادى. جەل  2-7  م/س جەتەدى. اۋا تەمپەراتۋراسى تۇندە +12+14°س, كۇندىز +26+28°س بولادى.

شىمكەنت قالاسىندا كوشپەلى بۇلتتى, جاۋىن-شاشىنسىز اۋا رايى ساقتالادى. سولتۇستىك-شىعىستان جەل سوعادى, كۇشى 8-13 م/س جەتەدى. اۋا تەمپەراتۋراسى تۇندە +14+16°س, كۇندىز +31+33°س بولادى.