پويىزدار نەگە شۇعىل توقتايدى؟

الماتى وڭىرلىك كوممۋنيكاتسيالار قىزمەتىنىڭ الاڭىندا وتكەن بريفينگ­تە «قتج-جۇك تاسىمالى» جشس فيليالى – «جت الماتى بولىمشەسى» باس ين­جە­نەرىنىڭ مىندەتىن اتقا­رۋ­­شى الەكساندر يگوشەن: «وسى جىلدىڭ تەك 7 ايىندا تە­مىر­جول­دىڭ الماتى فيليا­لى­نىڭ شەكاراسىندا لوكوموتيۆ بريگادالارىنا شۇعىل تە­جە­گىش­تى 110 مارتە باسۋعا تۋرا كەلدى, ونىڭ ىشىن­دە 5 وقيعا ولىممەن اياق­تال­دى. پو­يىز­دى شۇعىل توق­تا­تۋ سانى­نىڭ ازاي­­عا­نى­نا قاراماستان, ستا­تيس­تيكا وتە جاعىمسىز», دەگەن مالى­مەت­تەردى كەلتىردى.

قاي كەزدە دە تەمىرجول­شى­لار اپاتتاردىڭ الدىن الۋ, اسىرەسە ادامداردىڭ پويىز استىنا ءتۇسىپ قالۋىن بولدىرماۋ ءۇشىن قولدان كەلگەن شارالاردىڭ ءبارىن دە جاساپ جاتادى. مىسالى, جەلىلىك پو­لي­تسيا بولىمىمەن بىرلەسىپ رەيدتەر جۇرگىزىلەدى, ءتۇسىندىرۋ جۇمىستارى, وقۋ ورىندارىندا كەزدەسۋلەر وتەدى. ارنايى ساقتاندىرۋ پلاكاتتارى ءىلىنىپ, جاياۋ جۇرگىنشىلەر كوپىرلەرىن سالۋ ماسەلەلەرى جەرگىلىكتى اتقا­­رۋ­شى ورگاندارمەن بىرلە­سىپ پى­سىق­تالىپ جاتادى.

ەگەر وسى امال-شارالاردى ناق­­تىلايتىن بولساق, بيىل 2 مىڭنان استام ادامدى قامتىعان كەز­دەسۋلەر مەن الماتى-1 ستان­سا­سىنداعى جو­عارى­داعىداي وقي­عا­لار ءجيى تىر­كە­لەتىن 10 ۋچاس­كەدە رەيد وتكى­زىلگەن.

«تەمىرجولدىڭ جانىندا تۇ­را­تىن ادامدار قوزعا­لىس قا­­ۋىپ­سىزدىگىن ەستەن شىعار­ما­عان­­د­ارى ءجون. ولار بەلگى­لەن­بە­گەن ورىنداردا جولداردى كە­سىپ وتپەۋى, تەمىرجول كولىگى نىساندارىندا ويىن-ساۋىقتار وتكىزبەگەنى ابزال. جولاۋشىلار پويى­زى­نىڭ جىلدامدىعى ساعا­تى­نا 140 شاقىرىمعا جەتەدى, ال جۇك پويىزدارى ساعاتىنا 110 شا­قىرىم جىلدامدىقپەن جۇرەدى, سالماعى 7 مىڭ توننادان اسادى. مۇنداي كەزدە لوكوموتيۆ بريگاداسى جولدا كەدەرگىنى باي­قاسا, شۇعىل تەجەگىشتى قول­دانۋى ابدەن مۇمكىن. ال لوكو­موتيۆتى وقىس توقتاتقان كەز­دە جول­دىڭ ساپاسىنا, پو­يىز­دىڭ سال­ماعى مەن جىل­دامدىعىنا بايلانىستى كەمىندە 500 مەتر, ال كەيدە ءبىر شاقىرىمنان ار­تىق قاشىقتىق قاجەت بولادى. بۇل اۆتوكولىك ەمەس, وندا بىرنەشە مەتر قاشىقتىقتا توق­تاۋ­عا نەمەسە ءبىر جاققا بۇرۋعا بولادى», دەدى قتج سپيكەرى.

الەكساندر يگوشەن پو­يىز­داردى شۇعىل توقتاتۋ تەمىر­جول قوزعالىسىنا كەرى اسەر ەتەتىنىن العا تارتا كەلە: «پويىزداردىڭ قوز­عالىسى ادامداردىڭ, مال نەمەسە اۆتوكولىكتىڭ كەسىرىنەن وقىس, جوسپارسىز توقتاعان كەزدە ۇزىلەدى. قوزعالىستا وسىنداي ىركى­­لىستەر ورىن الىپ جاتادى, بۇل كۇتپەگەن شىعىن اكەلەدى», دەدى.

قالاي دەسەك تە, بالا­لار­دىڭ تەمىرجولداردا ويناۋى, الەۋ­مەت­­تىك جەلىلەر ءۇشىن رو­ليكتەر ءتۇسى­رىلۋى تەمىر­جول­شىلاردى قات­­تى الاڭ­داتادى. سپيكەردىڭ ايتۋىن­شا, تەمىرجول كولىگى نى­­سان­دارىن­دا بەينەروليكتەر ءتۇسى­رۋ, قۇلاق­قاپ­پەن مۋزىكا تىڭداۋ, اسىرەسە كاپيۋشوندى كيىپ الۋ وتە قاۋىپتى. ويتكەنى مۇنداي جاع­­­­دايدا لوكوموتيۆ سيگنالدارى ەستىلمەي نەمەسە بايقالماي قا­­­لادى.

سونىمەن سپيكەر ءسوزىنىڭ سو­ڭىندا ەلدى تەمىرجول ءتار­تىپ ەرە­جەلەرىن مۇلتىكسىز ساق­تاۋ­عا شاقىردى.

الماتى