نۇر-سۇلتان قالالىق ءماسليحاتىنىڭ وتىرىسىندا الەۋمەتتىك-مادەني دامۋ ماسەلەسى جونىندەگى تۇراقتى كوميسسياسىنىڭ مۇشەسى ءلاززات رازبەكوۆا-تۇلەۋحانوۆا ەلورداداعى الەۋمەتتىك قىزمەت كورسەتۋ ورتالىقتارىندا ورىن العان زاڭسىزدىقتار جايىندا باياندادى, دەپ حابارلايدى Egemen.kz.
«مەملەكەتتىك ورگانداردىڭ باسشىلارىمەن «قولجەتىمدى ورتا» جول كارتاسىنىڭ قىزمەتتەرى قالانىڭ بارلىق ايماقتارىندا تارالماعانىن مويىندادى. «نۇرلى جۇرەك» ورتالىعىندا 200 ملن تەڭگەدەن استام قارجى جىمقىرىلعانى انىقتالىپ وتىر. بۇكىل دەرلىك ورىنداردا تاربيەلەنۋشىلەرگە قولداۋ كورسەتۋ جوسپارى فورمالدى تۇردە ىسكە اسىرىلعان», دەدى كوميسسيا مۇشەسى.
سپيكەردىڭ ايتۋىنشا, كەيبىر ورتالىقتاردا سانيتارلىق قاۋىپسىزدىك تالاپتارى دا بۇزىلعان.
«جوعارىدا اتالعان زاڭسىزدىقتارعا لاۋازىمدى تۇلعالاردىڭ ءوزىنىڭ فۋنكتسيونالدىق مىندەتتەرىنە نەمقۇرايلى قاراۋى سەبەپ بولىپ وتىر», دەپ قوستى ءماسليحات دەپۋتاتى.