ابىز اقساقال اتانعان مەملەكەت جانە قوعام قايراتكەرى نۇرماحانبەت قاجى اجمەتوۆ – وڭتۇستىك وڭىرگە ەسىمى جاقسى تانىس تۇلعا بولاتىن. بالالىق بال داۋرەن شاعى كەڭەس-گەرمان سوعىسىنا تاپ كەلدى دە, قارشادايىنان اۋىر ەڭبەككە ارالاستى. قاتارلاستارىنىڭ اراسىندا بەلسەندىلىگىمەن كوزگە ءتۇستى.
مەكتەپتىڭ بەتكەۇستارى بولدى. الماتى زووۆەتەرينارلىق ينستيتۋتىن ۇزدىك ءبىتىردى. ءوزى تۋىپ-وسكەن وڭىردە شارۋاشىلىقتا باس زووتەحنيك قىزمەتىن ابىرويمەن اتقاردى. كەيىن پارتيا, كەڭەس جۇمىسىنا ارالاستى. شىمكەنت, اتىراۋ وبلىستارىندا باسشىلىق قىزمەتتەر اتقاردى. العاباس, كەلەس اۋداندارىندا اۋداندىق پارتيا كوميتەتىنىڭ ءبىرىنشى حاتشىسى بولدى. جاساعان جۇمىستارى ديماش قوناەۆ, اسانباي اسقاروۆ سياقتى بيىك تۇلعالاردان لايىقتى باعاسىن الدى. ءتۇرلى دەڭگەيدە باسشىلىق قىزمەتتەر اتقارعان حاسان بەكتۇرعانوۆ, ەگەمقۇل تاسانباەۆ, تولەپبەك نازاربەكوۆ, ءابجاپپار جىلقىشيەۆ, بورامبەك شۇكىربەكوۆ, زاۋىتبەك تۇرىسبەكوۆ, ابدىكارىم بەكتاەۆ, ەلتاي تۇرعىمبەكوۆ, امالبەك تشانوۆ, بەكەت تۇرعاراەۆ, ابدىعاني تاشقاراەۆ, اناربەك ورمانوۆ, ابىلقاسىم دوسبولوۆ, دوسىباي شەرىمقۇلوۆ, يسمات تۇرسىنقۇلوۆ, دانابەك باتىرشاەۆ, قويشىباي ارىپباەۆ سياقتى زامانداس اعا-ىنىلەرىمەن ەتەنە ارالاسىپ, ەل يگىلىگى ءۇشىن قويان-قولتىق قىزمەت ەتتى.
سول يگىلىكتى ەڭبەگىنىڭ ناتيجەسىندە التى وردەنمەن, جيىرما شاقتى مەدالمەن ماراپاتتالدى. زەينەتكە شىققان سوڭ دا قوعامدىق قىزمەتتەن قول ۇزبەي, تاۋەلسىز ەلىمىزدىڭ تۋىن تىكتەي تۇسۋگە اتسالىستى. وسى ەڭبەگى ەلەنىپ, وڭىرىنە «قۇرمەت», «شاپاعات», «پاراسات» وردەندەرىن تاقتى. وڭتۇستىك قازاقستاننىڭ جانە وسى وبلىستاعى بەس اۋداننىڭ قۇرمەتتى ازاماتى اتاندى. اللا جازىپ ۇزاق تا ماعىنالى عۇمىر كەشتى. اقىرعى دەمى بىتكەنگە دەيىن حالىقپەن ارالاستى, جاس ۇرپاق تاربيەسىنە ەرەكشە كوڭىل ءبولدى. مۇسىلماننىڭ قاسيەتتى بەس پارىزىنىڭ ءبىرى قاجىلىق ساپارىن دا وتەدى. قولى بوس بولىپ كورمەگەن داعدىسىمەن ولكەتانۋ ماسەلەسىمەن, شەجىرە-دەرەكتەر جيناۋمەن اينالىستى. ارتىندا «مەن دە ءبىر قازىعۇرتتىڭ پەرزەنتىمىن» اتتى قۇندى كىتاپ قالدىردى. ودان دا زورى بالالارىنىڭ سۇيىكتى اناسى, ءوزى قالاپ قوسىلعان اياۋلى جارى رابيگۇل اپامىز ەكەۋىنەن بەس ۇل, نەمەرە, شوبەرەلەر كوردى. ءبىر وكىنىشتىسى, اپامىز ەرتەرەك قايتىس بولىپ, ۇرپاقتارىنىڭ قىزىق-قۋانىشتارىن كورە الماي كەتتى.
جاسى جەرورتادان اۋعاندا ۇلكەن كىسىنىڭ جالعىز قالعانى اۋىر سوعادى ەكەن. وسىنداي ساتتە بۇل ءومىردىڭ ىستىق-سۋىعىن بىرگە كورىپ, حالىقتىڭ سۇيىسپەنشىلىگى مەن قۇرمەتىن قاتار وتكىزگەن جۇبايى زامزاگۇل قاجى جەڭگەمىزگە دە رازىمىز. ول كىسى سىرلاسى دا, سىيلاسى دا بولا ءبىلدى. 93-كە قاراعان شاعىندا ءفاني دۇنيەدەن باقيلىققا اتتانعان ارداقتى اكەمىزدىڭ, اتامىزدىڭ شاڭىراعىنىڭ وتىن وشىرمەي, جىل بويى ءار بەيسەنبىسىن قۇر جىبەرمەي ارۋاعىن اۋناتتى.
ارتىندا قالعان ۇرپاقتارى 28-ءشى تامىزدا مارقۇمعا قۇران باعىشتاپ, اس بەرمەكشى.
وتەتىن مەكەنجايى: شىمكەنت قالاسى, ءو.جانىبەكوۆ كوشەسى, 65. «باققون» مەيرامحاناسى. ۋاقىتى – 13:00.
قۇرمەتپەن,
اجىمەتوۆتەر اۋلەتى