نۇر-سۇلتاندا جالپى ءبىلىم بەرەتىن مەكتەپ مۇعالىمدەرىنىڭ قاتىسۋىمەن اباي كۇنىنە وراي پوەزيا كەشى ءوتتى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
پەداگوگتەر ابايدى ەسكە الۋ, ونىڭ شىعارماشىلىق مۇراسى تۋرالى ءبىلىمىن ارتتىرۋ, كۇمبىرلەگەن دومبىرا ءۇنىن تىڭداۋ ءۇشىن ل.ن. گۋميلەۆ اتىنداعى ەۇۋ-دىڭ باس كورپۋسىنىڭ جانىنا جينالدى. ۇيىمداستىرۋشىلاردىڭ ايتۋىنشا, «اباي سالعان ىزبەنەن» كەشىنىڭ ماقساتى – اقىننىڭ فيلوسوفيالىق شىعارمالارىن ناسيحاتتاۋ.
«اباي – الەمدىك مادەنيەتكە ۇلكەن ۇلەس قوسقان ۇلى ويشىل, اقىن, اعارتۋشى, جازۋشى, كومپوزيتور. ماعان اسىرەسە «جاسىمدا عىلىم بار دەپ ەسكەرمەدىم» دەگەن ولەڭى ۇنايدى. بۇل ولەڭدە جاستىق شاقتا العان ءبىلىم – ادامنىڭ ادام بولىپ قالىپتاسۋىنىڭ نەگىزى دەگەن يدەيا جاتىر. بۇل وسكەلەڭ ۇرپاققا تىكەلەي وسيەت», دەدى پوەزيا كەشىنە قاتىسۋشى ايگۇل تاجىباەۆا.
مۇعالىمدەر اباي قازاق قوعامىنداعى جاڭادان مەكتەپ اشۋ, عىلىمدى تانۋ, حالىقتى اعارتۋ جانە ونىڭ مادەنيەتىن ارتتىرۋ كەزىندەگى پروگرەسىن كوردى دەپ ەسەپتەيدى.