ۇلتتىق ستاتيستيكا بيۋروسىنىڭ جاڭارعان دەرەكتەرىنە قاراعاندا, 2022 جىلدىڭ قاڭتار-ماۋسىم ايلارىندا قازاقستانعا 7287 ادام كەلسە, ەلدەن 12 344 ادام كەتكەن. وسىلايشا, كوشى-قون سالدوسى 5057 ادامدى قۇرادى, دەپ حابارلايدى Egemen.kz.
«ەلدىڭ نەگىزگى كوشى-قون الماسۋى تمد مەملەكەتتەرىمەن ءجۇرىپ جاتىر. تمد ەلدەرىنەن كەلگەندەردىڭ ۇلەسى 84,5%-دى, كوشىپ كەتكەندەردىڭ ۇلەسى-جالپى كوشىپ-قونۋشىلار سانىنىڭ 83%-ىن قۇرادى», دەلىنگەن بيۋرو اقپاراتىندا.
سونداي-اق, ەل ىشىندە كوشىپ-قونۋشىلار سانى 1,4%-عا ازايعانىن ايتا كەتۋ كەرەك.
وڭىرارالىق اۋىسۋلار بويىنشا حالىق كوشى-قونىنىڭ وڭ سالدوسى ەلدىڭ ءۇش وڭىرىندە قالىپتاستى: الماتى (17 691 ادام), نۇر-سۇلتان (15 753 ادام) جانە شىمكەنت (1883 ادام) قالالارى.