اقمولا وبلىسىندا بەستوبە التىن كەنىشىندەگى شاحتادان التىندى زاڭسىز ىزدەۋمەن اينالىسقان تاعى ءبىر ادامنىڭ ءمايىتى تابىلدى, دەپ حابارلايدى Egemen.kz.
«بۇگىن بەستوبە كەنىشىندەگى «زاپادنايا» شاحتاسىنان 610 مەتر تەرەڭدىكتە جۇرگىزىلگەن تەكسەرىس بارىسىندا 3 ادام انىقتالدى. ونىڭ ءبىرى ءولى كۇيىندە تابىلسا, ەكىنشىسى ءتۇرلى دەنە جاراقاتىن العان», دەدى «التىنالماس» اكتسيونەرلىك قوعامىنىڭ ءباسپاسوز قىزمەتىنەن.
مەكەمەدەن اتاپ وتكەندەي, شاحتادان تابىلعان ادامداردىڭ ەكەۋى زاۆودسكوي اۋىلىنىڭ تۇرعىندارى, ءۇشىنشىسى جاڭا قارابۇلاق اۋىلىنىڭ تۇرعىنى.
«شاحتا ىشىنەن تابىلعان ادامداردىڭ بارلىعى دا بەستوبە كەنىشىنىڭ جۇمىسشىلارى ەمەس. ۇشەۋى دە بىرنەشە رەت, سونىڭ ىشىندە كۇزەتىلەتىن نىساندارعا زاڭسىز كىرگەنى ءۇشىن جاۋاپقا تارتىلعان», دەلىنگەن حابارلامادا.
انىقتالعانداي, اتالعان ءۇش ادام التىن كەنىن زاڭسىز وندىرۋمەن اينالىسقان. ولاردى شاحتا ىشىندە وپىرىلعان تاس ءۇيىندىسى باسىپ قالعان.
ايتا كەتەيىك, اتالعان شاحتانىڭ جۇمىس ىستەمەي تۇرعانىنا ءبىر جىلداي ۋاقىت بولعان. ءىشى جەراستى سۋىنا تولى, سونداي-اق جەلدەتۋ جانە باسقا دا ينجەنەرلىك جۇيەلەرى ىستەن شىققان. سوندىقتان شاحتاعا كىرۋ ادام ءومىرى ءۇشىن قاۋىپتى.
ەسكە سالا كەتەيىك, بۇدان بۇرىن بەستوبە التىن كەنىشىنەن اۋىل تۇرعىنىنىڭ دەنەسى تابىلعانى تۋرالى جازعان بولاتىنبىز.