الماتىدا اسفالتتىڭ جاڭا ءتۇرى سىناقتان وتكىزىلىپ جاتىر. بۇل تۋرالى قالالىق اكىمدىكتىڭ ءباسپاسوز قىزمەتى ءمالىم ەتتى, دەپ حابارلايدى Egemen.kz.
اكىمدىكتىڭ مالىمەتىنشە, پوليمەرلى بيتۋم نەگىزىندەگى اسفالتبەتوندى قوسپانى الماتىلىق جول جوندەۋشىلەر قولدانىسقا ەنگىزىپ كوردى. پيلوتتىق جوبا اياسىندا جاڭا قوسپامەن گوگول كوشەسىنىڭ اۆتوبۋس جولاعىنىڭ سولتۇستىك جاعىنداعى ءۇش ۋچاسكەسى جوندەلدى. ماماندار بۇل اۋماقتى جىل بويى باقىلاپ وتىرادى.
«سىنامالار الىنىپ, جابىننىڭ جاي-كۇيىنە مونيتورينگ جۇرگىزىلەدى. بۇل تاجىريبە بارىسىمەن قالا اكىمى ەربولات دوساەۆ تانىستى. جاڭا ماتەريال الدەقايدا بەرىك جانە جولداردا ويىقتار مەن جارىقتاردىڭ پايدا بولۋىنا جول بەرمەيدى دەپ ەسەپتەلىپ وتىر», دەلىنگەن حابارلامادا.