بۇل جايىندا ۇلتتىق تەستىلەۋ ورتالىعى ءمالىم ەتتى, دەپ حابارلايدى Egemen.kz.
«وكىنىشكە قاراي ۇبت-2022 بەينەجازبالارىن قايتادان تەكسەرۋ بارىسىندا ەڭ جوعارى 139 بالل جيناعان تەستىلەنۋشىنىڭ ەرەجە بۇزعانى بەلگىلى بولدى. سايكەسىنشە, ونىڭ ناتيجەسى جويىلىپ, گرانت كونكۋرسىنا قاتىسۋ مۇمكىندىگىنەن ايىرىلدى. بۇعان دەيىن دە 139 بالل جيناپ, بىراق ەرەجە بۇزعان 2 تالاپكەردىڭ ناتيجەسىن جويعانىمىزدى ايتقان بولاتىنمىن. ال بۇل – تىركەلگەن ءۇشىنشى جاعداي. ەندى ەڭ ماكسيمالدى بالل – 138, ونى 4 تالاپكەر جينادى. تورتەۋىنىڭ دە ناتيجەسىن تەكسەرۋ جۇمىسى جالعاسىپ جاتىر. ەستەرىڭىزگە سالا كەتەيىن, انومالدى جوعارى بالل (+20 بالدان +80 بالعا دەيىن) جيناعان تالاپكەرلەردىڭ ناتيجەسى ءبىزدىڭ ەرەكشە باقىلاۋىمىزدا», دەپ جازدى ۇلتتىق تەستىلەۋ ورتالىعىنڭ ديرەكتورى رۋسلان ەمەلباەۆ الەۋمەتتىك جەلىدەگى پاراقشاسىندا.
ول سونداي-اق ۇبت سەرتيفيكاتىن قولدان جاساۋ زاڭسىز جانە پايداسىز ەكەنىن ەسكەرتتى. سەبەبى ۇبت بويىنشا بارلىق دەرەك ورتالىقتىڭ بازاسىندا بار.