جامبىل وبلىسى بويىنشا ەكونوميكالىق تەرگەۋ دەپارتامەنتى «قازفوسفات» جشس باسشىلىعىنا قاتىستى سوتقا دەيىنگى تەرگەۋدى باستادى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
«13 شىلدەدە جامبىل وبلىسى بويىنشا ەكونوميكالىق تەرگەۋ دەپارتامەنتى باسەكەلەستىكتى قورعاۋ جانە دامىتۋ اگەنتتىگىنىڭ جامبىل وبلىسى بويىنشا دەپارتامەنتى قورىتىندىسى نەگىزىندە «قازفوسفات» جشس باسشىلىعىنا قاتىستى قر قىلمىستىق كودەكسىنىڭ 221-بابى بويىنشا امموفوستى وتكىزۋ كەزىندە جوعارى باعا بەلگىلەۋ ارقىلى وزدەرىنە زاڭسىز كىرىس الۋ ماقساتىندا مونوپوليالىق جاعدايدى تەرىس پايدالانۋ فاكتىسى نەگىزىندە سوتقا دەيىنگى تەرگەۋدى باستادى», دەدى قر قما ءباسپاسوز قىزمەتىنەن.
ەسكە سالا كەتەيىك, 11 شىلدە كۇنى ساعات 20:00-دە تاراز قالاسىنداعى «قازفوسفات» جشس مينەرالدى تىڭايتقىشتار زاۋىتىندا اۋاعا ءتۇتىندى گاز تارادى. كەيىنىرەك كومپانيا قالا تۇرعىندارىنا ەشقانداي قاۋىپ تونبەگەنىن حابارلادى.