قورعانىس مينيسترلىگى اسكەري قىزمەت وتكەرۋ كەزەڭىندە اسكەري قىزمەتشى نەمەسە اسكەري جيىندارعا شاقىرىلعان اسكەري مىندەتتى قازا تاپقان جاعدايدا, وعان مۇگەدەكتىك بەلگىلەنگەن كەزدە نەمەسە ول اسكەري قىزمەت مىندەتتەرىن ورىنداۋعا بايلانىستى مەرتىككەن جاعدايدا بىرجولعى وتەماقى تولەۋ جونىندەگى نۇسقاۋلىقتىڭ جوباسىن ازىرلەدى, دەپ حابارلايدى Egemen.kz اتالعان مينيسترلىكتىڭ ءباسپاسوز قىزمەتىنە سىلتەمە جاساپ.
نورماتيۆتىك قۇقىقتىق اكت مۇراگەرلەر مەن اسكەري قىزمەتشىلەردىڭ وزدەرى قۇجاتتاردى قابىلداۋ, جيناقتاۋ جانە بىرجولعى وتەماقى الۋ ءتارتىبىن رەتتەيدى. وندا جەرگىلىكتى اسكەري باسقارۋ ورگاندارىنىڭ, سونداي-اق اسكەري قىزمەتشىلەر قىزمەت وتكەرگەن اسكەري بولىمدەر مەن بولىمشەلەردىڭ ءىس-قيمىل الگوريتمى بەلگىلەنگەن.
اتالعان نۇسقاۋلىق قر قورعانىس ءمينيسترىنىڭ بۇيرىعىمەن بەكىتىلەتىن بولادى. قۇجات جوباسىنىڭ تولىق ماتىنىمەن «ەلەكتروندىق ۇكىمەت» پورتالىنىڭ «اشىق نقا» بولىمىندە بيىلعى جىلعى 26 شىلدەگە دەيىن مىنا سىلتەمە ارقىلى تانىسۋعا بولادى: https://legalacts.egov.kz/npa/view?id=14149493