اباي وبلىسىنىڭ بەسقاراعاي اۋدانىندا شارۋا قوجالىعىنان 9 ملن تەڭگەنىڭ مۇلكىن توناعان ەر ادام ۇستالىپ, جازاعا تارتىلدى, دەپ حابارلايدى Egemen.kz.
وبلىستىق پوليتسيا دەپارتامەنتى حابارلاعانداي, بەسقاراعاي اۋدانىندا جەرگىلىكتى شارۋا قوجالىعىنىڭ 64 جاستاعى يەسى پوليتسيا قىزمەتكەرلەرىنە جۇگىنگەن. ول ءوز سوزىندە بەتون بۇيىمدارىنىڭ ۇرلانعانىن جەتكىزدى.
«جابىرلەنۋشىنىڭ ايتۋىنشا, بەلگىسىز بىرەۋلەر 10-25 ماۋسىم ارالىعىندا ەرنازار اۋىلىنىڭ ماڭىنداعى قوجالىق اۋماعىنان 16 بەتون فۋندامەنتىن, 6 تىرەكتى جانە بەتوننان جاسالعان 7 ارقالىقتى ۇرلاپ كەتكەن. وسىنىڭ سالدارىنان كەلتىرىلگەن ماتەريالدىق شىعىننىڭ جالپى سوماسى 9 300 000 تەڭگەنى قۇرادى», دەلىنگەن حابارلامادا.
جەدەل-ىزدەستىرۋ شارالارىنىڭ ناتيجەسىندە 49 جاستاعى جەرگىلىكتى تۇرعىن ۇستالدى. وعان قاتىستى قر قك-ءنىڭ 188-بابى 4-بولىگىمەن سوتقا دەيىنگى تەرگەۋ امالدارى جۇرگىزىلۋدە.