21 ماۋسىمدا بۇقار جىراۋ اۋدانىنداعى بەلاعاش ورمان شارۋاشىلىعى اۋماعىندا شىققان تابيعي ءورت ءسوندىرىلدى. ال قارقارالى اۋدانىندا 400 جانە 500 گا جەرگە جايىلعان ورتكە تىكۇشاقپەن سۋ شاشىپ جاتىر, دەپ حابارلايدى Egemen.kz.
قاراعاندى وبلىسى توتەنشە جاعدايلار دەپارتامەنتىنىڭ مالىمدەۋىنشە, قاراعاندى وبلىسىنا قاراستى بەلاعاش ورمان شارۋاشىلىعى اۋماعىنداعى ءورت 22 ماۋسىمدا ساعات 22:13-تە جويىلدى.
ۆەدومسۆتو ءورتتىڭ جالپى اۋماعى 101,5 گا بولعانىن حابارلادى.
ء«ورتتى سوندىرۋگە قاراعاندى وبلىسىنىڭ تجد, قر تجم 52859 ءا/ب, ورتكە قارسى ەرىكتى قۇرالىمداردىڭ ورمان شارۋاشىلىعى جانە جەرگىلىكتى اتقارۋشى ورگاندارىنىڭ كۇشتەرى جۇمىلدىرىلدى», دەلىنگەن حابارلامادا.
ال 21 ماۋسىمدا ەگىندىبۇلاق اۋىلىنان سولتۇستىك-شىعىسقا قاراي 10 شاقىرىم جەردە شىققان ءورت ءالى ءسوندىرىلىپ جاتىر.
توتەنشەلىكتەردىڭ مالىمدەۋىنشە, 22 ماۋسىمدا شىققان ءورتتىڭ ەكىنشى وشاعىنىڭ اۋدانى شامامەن 500 گەكتارعا جەتتى.
ء«ورتتى سوندىرۋگە بارلىعى 182 ادام, 30 بىرلىك تەحنيكا جۇمىلدىرىلدى. تجم تىكۇشاقتارىمەن جانىپ جاتقان ۋچاسكەلەرگە سۋ شاشىپ جاتىر. تىكۇشاقتار ءورت وشاقتارىنا 42 رەت سۋ شاشتى», دەپ حابارلادى قاراعاندى وبلىسى تجد ءباسپاسوز قىزمەتى.
دەپارتامەنت وكىلدەرى ءورتتى سوندىرۋگە سۋ قويمالارىنىڭ الىستىعى مەن جەل ەكىپىنى كەدەرگى كەلتىرىپ جاتقانىن مالىمدەدى.