ۇلىتاۋ تورىندە وتكەن ۇلتتىق قۇرىلتاي جيىنىندا ءسوز بولعان وزەكتى تاقىرىپتار كوپ. سول سەبەپتى دە حالىق پەن بيلىك اراسىندا التىن كوپىر بولىپ جۇرگەن ەلدىڭ ايتۋلى ازاماتتارى اقىلداسار كەلەلى كەڭەس قۇرار اشىق الاڭعا اينالاتىن ۇلتتىق قۇرىلتايدىڭ كوتەرەر جۇگى جەڭىل بولماق ەمەس.
ەلىمىزدە تالقىلانار تاعدىرشەشتى ماسەلەلەردە قۇرىلتايدىڭ ءاربىر مۇشەسى وزىندىك وي-پىكىرى مەن ۇسىنىستارى ارقىلى ارالاسۋعا داڭعىل جول اشىلدى. ەل پرەزيدەنتى قاسىم-جومارت توقاەۆتىڭ قاتىسۋىمەن وتكەن القالى جيىندا ۇلتتىق قۇرىلتايدىڭ اتقارار جوسپارلارىنىڭ باسىم باعىتتارى ايقىندالدى.
ءتىلشى-عالىم رەتىندە ماعان پرەزيدەنتتىڭ ءالىپبي ماسەلەسى جونىندەگى پايىمدارى تەرەڭ وي سالدى. مەملەكەت باسشىسى ءالىپبيدى جەتىلدىرۋ بويىنشا ءتىل ءبىلىمى ينستيتۋتىنا تاپسىرما بەرگەنىن اتاپ ءوتتى. قازاق ءتىلىن لاتىن عارىپتى الىپبيگە اۋىستىرۋ تىڭعىلىقتى ءارى جۇيەلى جۇمىس ناتيجەسىندە اسىقپاي, اپتىقپاي قابىلداناتىنىن جۇرتشىلىققا جەتكىزگىم كەلەدى.
جيىن سوڭىندا اقىن, قازاقستان حالىق جازۋشىسى مۇحتار شاحانوۆقا «قازاقستاننىڭ ەڭبەك ەرى» اتاعى بەرىلۋىن – پرەزيدەنت تاراپىنان ءتىل جاناشىرلارىنا كورسەتىلگەن قۇرمەت دەپ باعالادىق. بۇل بارىمىزگە ورتاق قۋانىش, سەبەبى.
كارىمبەك قۇرماناليەۆ,
ۇعا اكادەميگى