ءۇش ءجۇزدىڭ باسىن قوسقان ۇلىتاۋدىڭ قازاق تاريحىنداعى ورنى ايرىقشا ەكەنى الىمساقتان ايان. ويتكەنى ۇلىتاۋ – تاۋلاردىڭ ابىزى. قازاق تاريحىنداعى تالاي تاعدىرشەشتى شەشىمدەر ءدال وسى جەردە قابىلدانعان.
عاسىرلاردىڭ سىرى مەن مۇڭى سىڭگەن وڭىردە وتكەن ۇلتتىق قۇرىلتايدىڭ العاشقى وتىرىسىنا مەملەكەت باسشىسى قاسىم-جومارت توقاەۆ جاڭا قازاقستاندى قۇرۋدىڭ نەگىزى دە وسى جيىنمەن استاسىپ جاتقانىن اڭعارتتى.
بۇگىندە ەلىمىزدىڭ باياندى بولاشاعى ءۇشىن اتقارىلىپ جاتقان اۋقىمدى شارۋالار از ەمەس, بىرلەسىپ بىتىرەتىن تىرلىكتەر دە جەتىپ ارتىلادى. «ەلۋ جىلدا ەل جاڭا» دەگەن ءسوزدىڭ پارقىن تۇسىنەتىن كەز جەتتى. ءبىزدىڭ باستى بايلىعىمىز – ءتاڭىر تارتۋ ەتكەن عاجاپ قۇتقا اينالعان ازاتتىق. پرەزيدەنتتىڭ ءوزى ەكىنشى رەسپۋبليكا, ادىلەتتى قازاقستان يدەيالارىن جۇزەگە اسىرۋدىڭ ماڭىزىن ايتۋداي-اق ايتىپ كەلەدى. توپقا دا, وتقا دا تۇسكەن وتىز جىلدىق تاريحقا ۇڭىلە وتىرىپ, جاڭا بيىكتەردى باعىندىراتىن ۋاقىت كەلدى.
قۇرىلتايدىڭ ءبىر مىندەتى ءتۇرلى قوعامدىق توپتار اراسىندا ديالوگ ورناتۋ بولىپ وتىر. القالى جيىندا كەمەل كەلەشەگىمىزدى باعدارلايتىن باياندى باستامالار ءسوز بولدى. جالپى, ۇلتتىق قۇرىلتايدىڭ قۇرامىنا ءارتۇرلى جاستاعى ازاماتتىڭ ەنگەنىنە قاراپ, ۇرپاقتار اراسىنداعى ساباقتاستىق ساقتالعانىن ايقىن اڭعارامىن. القالى جيىنعا قاتىسۋ مەن ءۇشىن ۇلكەن سەنىم, جاۋاپكەرشىلىك دەپ بىلە- ءمىن.
ايسۇلۋ ەرنيازوۆا,
«قازاقستان ۆولونتەرلەرى ليگاسى» قوعامدىق قورىنىڭ توراعاسى