ۇلىتاۋ وبلىسىندا ءوتىپ جاتقان ۇلتتىق قۇرىلتايدىڭ وتىرىسىندا ءماجىلىس توراعاسى ەرلان قوشانوۆ ءماجىلىس جانىنان ءارتۇرلى ۇستانىمى بار ساياسي ۇيىمدار وكىلدەرىن, ساراپشىلار مەن قوعام بەلسەندىلەرىن قاتىستىراتىن قوعامدىق پالاتا قۇرىلاتىنىن حابارلادى, دەپ جازادى Egemen.kz.
«ۇلتتىق قۇرىلتاي – ۇلتتى ۇيىستىراتىن ۇلىق الاڭ. قۇرىلتايدا كوتەرىلەتىن بارلىق ماسەلەلەر حالىق, قوعام ىشىنەن شىعۋى شارت. جۇرتتى الاڭداتقان, قاراپايىم حالىقتىڭ جانىنا باتقان ءاربىر كەشەندى ماسەلە ەڭ الدىمەن اۋداندىق, قالالىق, وبلىستىق ءماسليحاتتار مەن قوعامدىق كەڭەستەردە ءجىتى تالقىلانىپ, ساياسي فورمۋلالار مەن قۇجاتتارعا اينالىپ, بولاشاقتا قۇرىلتايدىڭ كۇن تارتىبىنە ەنگىزگەن ءجون دەپ ەسەپتەيمىز. سونىمەن قاتار كەرىسىنشە, قۇرىلتايدا تالقىلانعان يدەيالار مەن باستامالار پارلامەنتتە, ايماقتىق ءماسليحاتتار مەن قوعامدىق كەڭەستەر الاڭدارىندا اشىق, ايقىن تالقىلانىپ, قوعامعا جەتكىزىلىپ وتىرۋى اسا ماڭىزدى. وسى ماقساتپەن تاياۋ كۇندەرى ءماجىلىس جانىنان ءارتۇرلى ۇستانىمى بار ساياسي ۇيىمدار وكىلدەرىن, ساراپشىلار مەن قوعام بەلسەندىلەرىن قاتىستىراتىن قوعامدىق پالاتا ءوز جۇمىسىن باستاماق», دەدى ەرلان قوشانوۆ.