قازاقستان ەلشىسى ەرجان مۇقاش ومان سۇلتانى قابۋس بين سايدكە سەنىم گراموتاسىن تاپسىردى, دەپ حابارلادى قر ءسىم-ءىنىڭ ءباسپاسوز قىزمەتى.
تاپسىرۋ ءراسىمى اياقتالعاننان كەيىن وتكەن قىسقا سۇحبات بارىسىندا قازاقستاندىق ديپلومات ومان بيلەۋشىسىنە قازاقستان پرەزيدەنتى نۇرسۇلتان نازارباەۆتىڭ ىستىق سالەمى مەن ىزگى نيەتتى تىلەكتەرىن جەتكىزدى.
سۇلتان قابۋس قازاقستان پرەزيدەنتىنە جىلى لەبىزدەرى ءۇشىن ريزاشىلىعىن بىلدىرە كەلىپ, قازاقستان ەلشىسىنىڭ ەكىجاقتى بايلانىستاردى جانداندىرۋعا باعىتتالعان مىندەتتەرىن اتقارۋ ءۇشىن ومان ۇكىمەتى تاراپىنان بارلىق جاعداي جاسالاتىنىنا سەندىردى.