بىرلىگى بەكەم اۋىل

مەرەيتوي قارساڭىندا اۋىل ءىشى جانە مازارات ماڭايى كۇل-قوقىستان مۇقيات تازالاندى. ىشكى جولداردىڭ تابانىنا قيىرشىق تاس توسەلىپ, وي-شۇڭ­قىرى تەگىستەلىپ, بىرقاتارى كۇر­دەلى جوندەۋدەن وتكىزىلدى. وسى اۋقىمدى ءىستىڭ بارلىعى ون­دىرىستە جۇمىس ىستەيتىن اۋىل ازامات­تارى­نىڭ جەكە باستامالارى بويىنشا جۇزەگە اسىرىلدى.

اتاپ ايتقاندا, جاقسى ءىستىڭ جارشىسى, باستاماشىسى بولعان سەرعازى تۇيتە, ءالفارابي ستام­قۇلوۆ, تەمىرجان يسين سىندى اتپال ازاماتتار بۇل ىسكە بىلەك سىبانا كىرىسىپ, حالىقتى جۇمىلۋعا ۇندەدى. ولاردى قولداعان اۋىل تۇرعىندارى مەي­رام جابدىك, امانعازى ستام­قۇلوۆ, مارال ورىن­بەكوۆ, الدان جاقسىلىقوۆ جىگەرلى جاستاردى يگىلىكتى ىستەرگە باستادى.

سونىمەن 25 مامىر «باق مەكەنىم – باقتى» اۋىل كۇنى بولىپ بەلگىلەنىپ, قۇرىلعانىنا 60 جىل تولىپ وتىرعان اۋىل مەرە­كەسىن وتكىزۋ باستاماسى وسىلايشا كوتەرىلگەن ەدى. تۋعان ولكەنى كوركەيتۋ, الەۋەتىن ارتتىرۋ, مادە­­نيەتىن دامىتۋ سىندى ىزگى ءىس-شارا­لار قولعا الىندى.

مۇنداي ۇلكەن شارۋاعا قو­ماقتى قارجى كەرەك ەكەنى بەلگىلى. بۇل ماسەلەنى اۋىل ازاماتتارى وزدەرى شەشىپ, اركىم شاما-شار­قىنشا بۇل ىسكە ۇلەسىن قوستى. سو­نىڭ ناتيجەسىندە, مەرەيتويدى وتكىزۋگە جەتكىلىكتى قارجى جي­نالدى.

ءىس-شارانى وتكىزۋ قامىنا كىرىس­كەن بەلسەندى توپ ءاپ-ساتتە توي باع­دارلاماسىن جاساپ تا تاس­تادى. ەڭ الدىمەن, اۋىلدىڭ ىشكى-سىرتقى تازالىعى قولعا الىن­­دى. بۇل ىسكە «كەنتوبە» كەنى­­شىندە, «قازاقمىس» كورپو­راتسيا­سىندا, «قارمىس», «باي­باتىر» كومپانيالارىندا ەڭ­بەك ەتەتىن اۋىل ازاماتتارى بى­رى­گىپ, بەلسەنە كىرىستى. ازعانا ۋاقىتتىڭ ىشىندە بىرنەشە ميلليون تەڭگەنىڭ اۋقىم­­دى جۇمىسى اتقارىلدى. با­رى­نەن بۇرىن ايتارىمىز, وسى جۇ­مىس­تاردى ات­قارعان ازاماتتار قارجى, جا­نار-جاعارماي شى­­عىندارىن ءوز مويىندارىنا العان ەدى.

سونىمەن قاتار ءار جىلدارى مەكتەپ بىتىرگەن تۇلەكتەر اۋىل ءۇشىن ىزگى ىستەرگە باستاماشى بولا باس­تادى. اتاپ ايتساق, اۋىل قاق­پاسىن تۇرعىزۋ مەكتەپتىڭ 36-شى تۇلەكتەرىنىڭ ۇيىمشىلدىعى مەن ەرەن ەڭبەكتەرىنىڭ ارقاسىندا ىسكە استى. بۇل شارۋانىڭ باسى-قاسىندا اۋىل ازاماتى ماق­سۇت نۇر­عاليەۆ ءجۇردى. سونداي-اق «باق مەكەنىم – باقتى» ءانى جازىلىپ, وعان قازىرگى ۋاقىتتا اقش-تا تۇراتىن اۋىل تۋماسى نۇرلان سارباسوۆ دەمەۋشىلىك جاسادى.

توي وتكىزۋ بارىسىندا بەزەن­دىرۋ ىسىمەن اينالىسقان ديزاينەر, اۋىلىمىزدىڭ تۇلەگى بايان جابدىكوۆانىڭ ەڭبەگىن دە اتاپ وتۋگە بولادى. جالپى العاندا, ور­تاق ىسكە تارتىلماي قالعان ادام بول­مادى. جاس­تار­دىڭ جانكەشتى ەڭ­بەگىمەن قاتار, ساباقتان تىس ۋا­قىتتا وقۋ­­­شىلاردىڭ دا تازالىق جۇ­­مى­سى­نا قاتىسقانىن ايتقان ءلازىم.

باقتى اۋىلىنىڭ 60 جىل­دىق مەرەيتويى اياسىندا دۇنيە­دەن وتكەن كىسىلەرگە قۇران باعىش­تالىپ, اۋىل قاقپاسىنىڭ سال­تا­ناتتى اشىلۋ ءراسىمى ءوتتى. بۇل سال­­تاناتتا اۋىل اكىمى اق­قالي سەيت­­­حازين قۇتتىقتاۋ ءسوز سويلەپ, اۋىل اقساقالى تىلەۋ­قاباق ورىن­بەكوۆ باتا بەردى.

مەرەيتويدىڭ كورىگىن قارقا­رالى مادەنيەت ءبولىمىنىڭ قىز­مەتكەرلەرى, اۋىلىمىزدىڭ تۋماسى ەركەبۇلان قانات ۇلى زايىبى ەكەۋى قىزدىرا ءتۇستى. اۋەلەگەن اسەم ءان, كۇمبىرلەگەن قوڭىر كۇي كوڭىلدى كوتەرە تۇسكەنى انىق. توي ۇستىندە اۋىلىمىزدىڭ تۋماسى, بەلگىلى اقىن ميراس اساننىڭ سوزىنە جازىلعان «باقتى مەكە­نىم» ءانىنىڭ تۇساۋكەسەرى بولىپ, جۇرتشىلىق ول تۋىندىنى جىلى قابىلدادى. شىعارمانىڭ ءانىن بەلگىلى سازگەر, بالقانتاۋلىق امان­گەلدى احمەتجانوۆ شى­عارسا, ورىنداۋشىسى باقتى­دان شىققان بەلگىلى ءانشى ساكەن وماروۆ بولدى.

ۇلتتىق سپورت تۇرلەرىنەن وت­كەن سايىستار مەرەكەلىك ءىس-شارا­لار­دىڭ قىزىعىن ەسەلەدى. «ارقان تارتۋ» سايىسى كوماندالىق جۇيەدە وتكىزىلىپ, جەڭىستى اۋىل كو­مانداسى ج ۇلىپ الدى. «قوي كو­تەرۋ» سايى­سىندا قويدى 55 رەت كوتەرگەن اۋىل بالۋانى ول­جاس ازىمباەۆ جەڭىسكە جەتتى. ۇلدار جانە قىزدار اراسىنداعى جۇگىرۋدەن جارىس تا وتە قىزىقتى ءوتىپ, جەڭىمپازدى وبلىستىق «سا­رى­­ارقا» تەلەارنا­سىنىڭ ءجۋر­ناليسى, اۋىل ازاماتى ماقسات بەي­سەناەۆ جەكە ءوز اتىنان 50 مىڭ تەڭگە جۇلدەمەن ماراپاتتادى. «سەركە كوتەرۋ» سايىسى دا وتە قىزىقتى ءوتتى. بۇل سىندا دا اۋىلىمىزدىڭ تۋماسى دوس ءابىل­مانسۇر ەشكىمگە دەس بەرمەدى.

سونىمەن ەل اسىعا كۇتكەن ات جارىسىنا دا كەزەك كەلىپ جەت­تى. «تاي جارىسى», «قۇنان باي­گە» سىنىنىڭ ارقايسىسىندا جيىر­ما-جيىر­مادان جۇيرىكتەر باق سى­نادى. بەس ورىنعا جۇلدە تىگى­­­لىپ, باس بايگەگە موتوتسيكل بەرىلدى.

ال جۇرتتىڭ دەلەبەسىن قوز­دىرعان «الامان بايگەدە» ءار قيىر­دان كەلگەن 28 سايگ ۇلىك سىنعا ءتۇستى. بايگەنىڭ 21 شاقى­رىمنان تۇراتىن قاشىقتىعىندا مارە سىزىعىن وساكاروۆ اۋدا­نىنىڭ اتى ءبىرىنشى بولىپ قيدى. جە­ڭىم­پازعا جۇلدەنى مەكتەپ بىتىر­گەندەرىنە 45 جىل تولعان تۇ­لەكتەر اتىنان اۋىل مۇعالىمى بو­لات تاڭىربەرگەن ۇلى تاپسىردى.

مىنە, وسىنداي ايتۋلى ءىس-شا­رانى بەرەكە-بىرلىگى جاراسقان اۋىل حالقى ءوز كۇشىمەن اتقارىپ شىق­تى. مەرەيتويعا ەلىمىزدىڭ ءار قيى­رىنان كەلگەن مەيماندار ايا­­داي عانا اۋىلداعى اعايىننىڭ ىن­­تىماقتى تىرلىگىنە بەك ريزا بول­­­دى دەپ سەنىممەن ايتۋعا بولا­دى.

بولات اسان,

قازاقستان رەسپۋبليكاسى ءبىلىم بەرۋ ءىسىنىڭ ۇزدىگى,

ى.التىنسارين مەدالىنىڭ يەگەرى

قاراعاندى وبلىسى,

قارقارالى اۋدانى,

باقتى اۋىلى