ماجىلىستە پالاتانىڭ ۆيتسە-سپيكەرى, «نۇر وتان» پارتياسى پارلامەنتتىك فراكتسياسىنىڭ جەتەكشىسى داريعا نازارباەۆانىڭ ءتورايىمدىعىمەن فراكتسيا تورالقاسىنىڭ كەڭەيتىلگەن ءماجىلىسى ءوتتى.
كۇن تارتىبىندە نۇروتاندىق ماجىلىسمەندەردىڭ ۇلتتىق كاسىپكەرلەر پالاتاسىمەن بىرلەسكەن جۇمىسى تالقىلاندى.
«نۇر وتان» فراكتسياسى ەلباسى, پارتيا توراعاسى نۇرسۇلتان نازارباەۆتىڭ شاعىن جانە ورتا بيزنەستى قولداۋ تۋرالى باستاماسىنا وراي, كاسىپكەرلەر پالاتاسىنا بىرلەسكەن ءىس-قيمىل جوسپارىن قۇرۋ تۋرالى ۇسىنىس جاساعان بولاتىن.
پارلامەنتشىلەر مەن كاسىپكەرلەر بۇل قۇجات بيزنەس سالاسىن دامىتۋ جولىنداعى تۇيتكىلدى ماسەلەلەردى جۇيەلى تۇردە شەشۋگە جانە فراكتسيا مەن بيزنەس-قاۋىمداستىق اراسىنداعى ءوزارا ءىس-قيمىل امالدارى مەن ناقتى تەتىكتەردى ازىرلەۋگە مۇمكىندىك بەرەتىنىنە سەنىمدى.
كەڭەيتىلگەن جيىن بارىسىندا ءماجىلىس ۆيتسە-سپيكەرى, پارلامەنتتىك فراكتسيا جەتەكشىسى داريعا نازارباەۆا مەن ۇلتتىق كاسىپكەرلەر پالاتاسىنىڭ باسقارما توراعاسى ابىلاي مىرزاحمەتوۆ بىرلەسكەن جۇمىس جوسپارىنا قول قويدى.
الداعى ۋاقىتتا ماجىلىسمەندەر مەن كاسىپكەرلەر قۇرىلىس, جەر قويناۋىن پايدالانۋ سالالارىندا كاسىپكەرلىك قىزمەتتى دامىتۋعا باعىتتالعان قولدانىستاعى زاڭنامالارعا وزگەرىستەر ەنگىزۋ بويىنشا بىرلەسكەن جۇمىس توبىن قۇرۋدى مەجەلەپ وتىر.
سونداي-اق, جوسپاردا ءدۋالدى ءبىلىم بەرۋ, وفسەتتىك ساياسات, ينجينيرينگ جونىندەگى زاڭ جوبالارى بويىنشا دا بىرلەسە جۇمىس اتقارۋ كوزدەلگەن.
سونىمەن قاتار, كاپيتالدى زاڭداستىرۋ, سالىقتىق اكىمشىلەندىرۋ سالاسىندا «بيزنەس-كليماتتى» جاقسارتۋ, مەملەكەتتىك-جەكەمەنشىك ارىپتەستىگىن دامىتۋ زاڭ جوبالارىنا قاتىستى دا ۇسىنىستار ازىرلەنەدى.
جوسپارلى جۇمىستاردى جۇزەگە اسىرۋ ءۇشىن فراكتسيانىڭ, «نۇر وتان» پارتياسى ورتالىق اپپاراتىنىڭ, فراكتسيا جانىنداعى كەڭەستىك-جينالىستىق ورگانداردىڭ, «ۇكىمەت ساعاتتارىنىڭ», پارلامەنتتىك تىڭداۋلاردىڭ, سونداي-اق, «نۇر وتان» پارتياسىنىڭ ماسليحاتتارداعى فراكتسيالارىنىڭ مۇمكىندىگى كەڭىنەن پايدالانىلاتىن بولادى.
«ەگەمەن-اقپارات».