مەملەكەت باسشىسى قاسىم-جومارت توقاەۆ ناۋرىز ايىندا قازاقستان حالقىنا جولداعان جولداۋىندا ۇلتتىق قۇرىلتاي قۇرىلاتىنىن مالىمدەدى. بۇل رەتتە ۇلتتىق قوعامدىق سەنىم كەڭەسى مىندەتىن تيىسىنشە اتقارعانىن جانە ونىڭ ورنىن باسقان ۇلتتىق قۇرىلتايعا جالپىحالىقتىق دەڭگەيدە قىزمەت ەتۋ جاۋاپكەرشىلىگى جۇكتەلگەنىن اتاپ ءوتۋىمىز كەرەك.
ۇلتتىق قۇرىلتاي عاسىرلار بويى قازاقستاننىڭ شەكسىز دالاسىندا قالىپتاسقان دەموكراتيالىق باعىتتىڭ تاريحي جالعاسى بولاتىنى ءسوزسىز. سەبەبى ىقىلىم زاماننان بەرى قۇرىلتاي تەك قازاقتاردىڭ عانا ەمەس, كوشپەلى حالىقتاردىڭ ونىڭ ىشىندە تۇركى جانە موڭعول تايپالارىنىڭ ومىرىندەگى قوعامدىق قۇبىلىس بولدى. شىن مانىسىندە قۇرىلتاي – ورتا عاسىرلارداعى ەۋروپالىق پارلامەنتتىڭ بالاماسى, حالىقتىڭ وكىلدى ورگانى.
پرەزيدەنتتىڭ پىكىرىنشە, قازىرگى قۇرىلتاي بيلىك پەن حالىق اراسىنداعى ءوزارا ءىس-قيمىلدى كۇشەيتۋ ءۇشىن قوعامدىق ديالوگتىڭ بىرىڭعاي ينستيتۋتسيونالدىق مودەلىن قالىپتاستىرۋعا ءتيىس.
قوعام قايراتكەرلەرىنەن, عالىمداردان, بيزنەس قوعامداستىقتان, ازاماتتىق قوعام جانە ساياسي پارتيالار مەن قحا وكىلدەرىنەن قۇرالعان, سونىمەن قاتار وڭىرلىك قوعامدىق كەڭەس مۇشەلەرى كىرگەن ۇلتتىق قۇرىلتايدىڭ قۋاتتى قۇرامى ۇزاقمەرزىمدى جانە اسا ماڭىزدى مەملەكەتتىك قوعامدىق-ساياسي ماسەلەلەردى شەشۋگە كۇش بىرىكتىرىپ وتىرعانىن اتاپ وتكەن ءجون.
ۇلتتىق قۇرىلتاي قۇرۋ – بۇل وتە ۇلكەن وقيعا جانە ونىڭ العاشقى وتىرىسىن ۇلىتاۋدا وتكىزۋ پرەزيدەنتتىڭ تاريحي-يدەولوگيالىق تۇرعىداعى ەڭ قۋاتتى قادامى.
جالپى قۇرىلتاي يدەياسى ءتۇرلى دەڭگەيدەگى قازاقستاندىق ەليتانى, سولار ارقىلى بۇكىل حالىقتى بىرىكتىرۋگە باعىتتالعان. بۇل ساياسي ينستيتۋت عاسىرلار بويى سىنالعان جانە قازىرگى جاعدايدا ءوزىن-ءوزى باسقارۋ دىڭ كوممۋنيكاتيۆتى تەتىگى سانالادى. ول ءبىر جاعىنان بيلىك پەن حالىقتى كەرى بايلانىسپەن قامتاماسىز ەتەدى, ەكىنشى جاعىنان ازاماتتارعا ەل باسقارۋ ىسىنە ارالاسۋعا مۇمكىندىك بەرەدى. ءوز كەزەگىندە بۇل قازاقستاندىقتاردىڭ ءوز-ءوزىن تانۋى مەن جاۋاپكەرشىلىگىن ارتتىرۋعا نەگىز بولادى. بۇل توقىراۋعا قارسى تۇرۋ جانە دامۋعا بەت بۇرۋ ءۇشىن قازىرگى قوعامعا اسا قاجەت قادام.
ەگەر ءبىز قوعامدى ناقتى ترانسفورماتسيالاۋ مەن جاڭعىرتۋ, پاتريوتيزمگە تاربيەلەۋ مەن جاڭاشا ويلاۋدى قالىپتاستىرۋ تۋرالى ايتاتىن بولساق, وندا الەۋمەتتىك ليفت پەن مەملەكەتتىك قىزمەتكە قولجەتىمدىلىكتى ارتتىرۋعا ءتيىسپىز. سوندا جەرگىلىكتى جەرلەردە ەل بولاشاعى ءۇشىن ايانبايتىن كوشباسشىلار شوعىرى قالىپتاسادى. ولار قازاقستاننىڭ يگىلىگى مەن مۇددەسى ءۇشىن تەر توگەدى.
ۇلتتىق قۇرىلتاي – ساياسي عانا ەمەس, ەل تاعدىرىنا ىقپال ەتەتىن رۋحاني قۇرال. بىزگە, قازاقستاندىقتارعا تاريحي مۇمكىندىكتى ءمۇلت جىبەرىپ الماۋ قاجەت. ءبىزدىڭ اتا-بابالارىمىز جالپىحالىقتىق دەڭگەيدە تالاي رەت تاعدىرشەشتى شەشىم قابىلداعان. ءبىزدىڭ مىندەتىمىز – ولاردىڭ وسيەتىن ورىنداۋ. ءبىز بابالارىمىزدان مۇراسىن ساقتاپ, جاڭا جانە جاقسى دۇنيە جاساي الاتىنىمىزعا سەنەمىن.
ەرمۇحامەت ەرتىسباەۆ,
قازاقستان حالىق پارتياسىنىڭ توراعاسى