اقمولا وبلىسىندا التىن وندىرەتىن فابريكانىڭ جۇمىسشىسى قازا تاپتى. وقيعا وتكەن تۇندە زەرەندى اۋدانىنىڭ اۋماعىنداعى ءوندىرىس وشاقتارىنىڭ بىرىندە بولعان, دەپ حابارلايدى Egemen.kz.
قازىر كەلىپ تۇسكەن مالىمەت بويىنشا 1974 جىلى تۋعان ەر ادامنىڭ ۇستىنە سالماعى 1 تونناعا جۋىق قاپ قۇلاعان. اۋىر جاراقات العان جۇمىسشى وقيعا ورنىندا كوز جۇمدى. بۇل وسى التىن ءوندىرۋ فابريكاسىندا بولعان العاشقى وقىس وقيعا ەمەس. فابريكادا بۇعان دەيىن دە بىرنەشە ادام وندىرىستىك جاراقات الىپ, مەرت بولعان ەدى.
«انىقتالعان اقپارات بويىنشا كوكشەتاۋ قالاسىنىڭ تۇرعىنى التاەۆ ومىربەك امانتاي ۇلى تسەحتا ۇلكەن قاپتىڭ استىندا قالعان. بۇل دەرەك قىلمىستىق كودەكستىڭ 156-بابى بويىنشا ىشكى ىستەر ورگاندارىندا تىركەلدى. ول العان جاراقاتتارىنان سول جەردە كوز جۇمعان. قازىر جەدەل-تەرگەۋ جۇمىستارى جۇرگىزىلىپ جاتىر», دەدى زەرەندى اۋدانى اكىمىنىڭ ورىنباسارى اسەت قۇرمانعوجين.
ايانا توعانبەك